ಹಾವೇರಿ : ಜಿಲ್ಲೆಯ ರಾಣೆಬೆನ್ನೂರು ತಾಲೂಕಿನ ಹೂಲಿಹಳ್ಳಿ ಬಳಿ ಗೂಡ್ಸ್ ಲಾರಿ ಪಲ್ಟಿಯಾಗಿ ಡ್ರೈವರ್ ಗಂಭೀರ ಗಾಯಗೊಂಡಿದ್ದಾನೆ. ರಾಷ್ಟ್ರೀಯ ಹೆದ್ದಾರಿ 48ರಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಲಾರಿ ಪಲ್ಟಿಯಾಗಿದ್ದು, ಚಾಲಕನ ಎದೆಗೆ ಕಬ್ಬಿಣದ ರಾಡ್ ಚುಚ್ಚಿಕೊಂಡಿದ್ರಿಂದ ಚಾಲಕ ಸುಮಾರು ಹೊತ್ತು ನರಳಾಡಿದ್ದಾನೆ. ಕಬ್ಬಿಣದ ಪೈಪ್ ಹೊರತೆಗೆಯಲು ಹರಸಾಹಸ ಮಾಡಬೇಕಾಯ್ತು.
ಗಾಯಗೊಂಡ ವ್ಯಕ್ತಿಯನ್ನು 27 ವರ್ಷದ ಶಿವಾನಂದ ಬಡಗಿ ಎಂದು ಗುರುತಿಸಲಾಗಿದೆ. ಹುಬ್ಬಳ್ಳಿಯಿಂದ ದಾವಣಗೆರೆ ಕಡೆಗೆ ಲಾರಿ ಹೊರಟಿತ್ತು. ಕಬ್ಬಿಣದ ಪೈಪ್ ಕೊರೆದು ಹೊರತೆಗೆಯಲು ಯತ್ನಿಸಿ ಆನಂತರ ಪೈಪನ್ನೇ ಕತ್ತರಿಸಿ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ರಾಣೆಬೆನ್ನೂರು ಗ್ರಾಮೀಣ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ರು. ದಾವಣಗೆರೆ ಆಸ್ಪತ್ರೆಗೆ ಚಾಲಕನನ್ನು ಶಿಫ್ಟ್ ಮಾಡಲಾಗಿದೆ. ಎದೆಯಲ್ಲಿ ಸಿಕ್ಕಿ ಹಾಕಿಕೊಂಡ ಕಬ್ಬಿಣದ ಪೈಪ್ ಕಂಡು ಸ್ಥಳೀಯರು ಭಯಭೀತರಾದ್ರು. ಎದೆಗೆ ಕಬ್ಬಿಣದ ಪೈಪ್ ಹೊಕ್ಕು ರಕ್ತ ಸುರಿಯುತ್ತಿದ್ದರೂ ಡ್ರೈವರ್ ಧೈರ್ಯದಿಂದ ಕುಳಿತಿರೋದು ಸ್ಥಳೀಯರ ಮೈ ಜುಮ್ಮೆನ್ನುವಂತೆ ಮಾಡಿತ್ತು.
ಇದನ್ನೂ ಓದಿ : ಮಹಾರಾಷ್ಟ್ರದ ಗುಡ್ಡಗಾಡು ಪ್ರದೇಶದಲ್ಲಿ ಹೆಲಿಕಾಪ್ಟರ್ ಪತನ.. 3 ಮಂದಿ ಸಾವು..!
