ಬೆಂಗಳೂರು : ವಾರಾಹಿ ವರ್ಲ್ಡ್ ಆಫ್ ಗೋಲ್ಡ್ ಶಾಪ್‌ ಮಾಲೀಕರಿಗೆ ವಂಚನೆ ಮಾಡಿದ ಪ್ರಕರಣದಲ್ಲಿ ಅರೆಸ್ಟ್ ಆಗಿದ್ದ ಐಶ್ವರ್ಯ ಗೌಡ ಮತ್ತು ಪತಿ ಹರೀಶ್ಗೆ ಹೈಕೋರ್ಟ್ ಜಾಮೀನು ನೀಡಿದೆ. ಬೆಂಗಳೂರಿನ ಚಂದ್ರಾ ಲೇಔಟ್ ಪೊಲೀಸರು ವಂಚನೆ ಪ್ರಕರಣದ ಆರೋಪಿಗಳನ್ನು ಕಸ್ಟಡಿಗೆ ಪಡೆದು ವಿಚಾರಣೆ ನಡೆಸಿದ್ದರು. ಆದರೆ ಕಳೆದ ದಿನ ಹೈಕೋರ್ಟ್ ಜಾಮೀನು ನೀಡಿದ ಬೆನ್ನಲ್ಲೆ ಆರೋಪಿಗಳನ್ನು ನಿನ್ನೆ ರಾತ್ರಿಯೇ ಪೊಲೀಸರು ಬಿಡುಗಡೆ ಮಾಡಿದ್ದಾರೆ.
ಈ ಬೆನ್ನಲ್ಲೇ ಇನ್ನೊಂದು ವಂಚನೆ ಕೇಸ್ನಲ್ಲಿ ಐಶ್ವರ್ಯ ಗೌಡ, ಪತಿ ಹರೀಶ್ ಗೌಡ, ಬೌನ್ಸರ್ ಗಜ ಎಂಬುವರ ವಿರುದ್ಧ ಆರ್.ಆರ್.ನಗರ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ. ಶಿಲ್ಪಾಗೌಡ ಎಂಬುವವರು ತಮಗೆ 3.25 ಕೋಟಿ ಹಣ, 430 ಗ್ರಾಂ ಚಿನ್ನಾಭರಣ ಪಡೆದು ವಂಚಿಸಿದ್ದಾಳೆ ಎಂದು ಆರೋಪಿಸಿ ಆರ್.ಆರ್.ನಗರ ಠಾಣೆಯಲ್ಲಿ ದೂರು ನೀಡಿದ್ದು, ಈ ದೂರಿನನ್ವಯ ಪ್ರಕರಣ ದಾಖಲಾಗಿದೆ.
ಇದೀಗ ಮಳವಳ್ಳಿ ಶಾಸಕ ನರೇಂದ್ರಸ್ವಾಮಿಗೆ ಐಶ್ವರ್ಯಗೌಡ ಫಂಡ್ ಮಾಡಿದ್ದಾಳೆ ಎಂದು ಹೇಳಲಾಗುತ್ತಿದೆ. ಮಾಜಿ MLA ಡಾ.ಕೆ ಅನ್ನದಾನಿ ಫಂಡಿಂಗ್ ಬಾಂಬ್ ಸಿಡಿಸಿದ್ದು, ದೊಡ್ಡ-ದೊಡ್ಡವರ ಎಲೆಕ್ಷನ್ಗೆ ಈಕೆ ಹಣ ಕೊಟ್ಟಿರೋ ಶಂಕೆ ವ್ಯಕ್ತವಾಗಿದೆ.
ಐಶ್ವರ್ಯಗೆ ಮಂಪರು ಪರೀಕ್ಷೆ ನಡೆಸಿದ್ರೆ ಬಂಡವಾಳ ಬಯಲಾಗುತ್ತೆ, ಈ ಕೂಡ್ಲೇ ಐಶ್ವರ್ಯ ಗೌಡ ಪ್ರಕರಣ ED ತನಿಖೆ ವಹಿಸಬೇಕು. ಕೋಟಿ ಕೋಟಿ ಗೋಲ್ಡ್ ವಂಚನೆಯಲ್ಲಿ ಕಾಂಗ್ರೆಸ್ ನಾಯಕರ ಪಾತ್ರ ಇದೆ. ನರೇಂದ್ರಸ್ವಾಮಿ, ಡಿ.ಕೆ.ಸುರೇಶ್, ವಿನಯ್ ಕುಲಕರ್ಣಿ ಹೆಸರು ಕೇಳಿ ಬರ್ತಿದೆ. ವರ್ತೂರ್ ಪ್ರಕಾಶ್ ಈಗಾಗಲೇ ಹಣ, ಆಭರಣ ವಾಪಸ್ ಮಾಡಿದ್ದಾರೆ. ಐಶ್ವರ್ಯಗೌಡ ಸಾಕಷ್ಟು ಬಾರಿ ಮಳವಳ್ಳಿಗೆ ಬಂದು ಹೋಗಿದ್ದಾಳೆ, ಐಶ್ವರ್ಯ ಗೌಡಗೆ MLA ಸನ್ಮಾನ ಮಾಡಿರೋ ಫೋಟೋಗಳೂ ಇವೆ. ಈ ಸರ್ಕಾರ ತನ್ನ ಪಕ್ಷದ ಮುಖಂಡರನ್ನು ರಕ್ಷಣೆ ಮಾಡುತ್ತಿದೆ, ಮಳವಳ್ಳಿ MLA-ಐಶ್ವರ್ಯ ನಡುವೆ ಹಣದ ವ್ಯವಹಾರ ನಡೆದಿದೆ. ಕಳೆದ ಎಲೆಕ್ಷನ್ನಲ್ಲಿ ಐಶ್ವರ್ಯ ಫಂಡಿಂಗ್ ಮಾಡಿರೋ ಅನುಮಾನ ಇದೆ, ಐಶ್ವರ್ಯ ಗೌಡಳನ್ನು ತೀವ್ರ ವಿಚಾರಣೆ ಮಾಡಿದ್ರೆ ಎಲ್ಲಾ ಗೊತ್ತಾಗುತ್ತೆ ಎಂದು ಡಾ.ಕೆ.ಅನ್ನದಾನಿ ಮಳವಳ್ಳಿಯಲ್ಲಿ ಗಂಭೀರ ಆರೋಪ ಮಾಡಿದ್ದಾರೆ.
ಇದನ್ನೂ ಓದಿ : ಹೊಸ ವರ್ಷದ ಪ್ರಯುಕ್ತ ಮೈಸೂರಿನ ಯೋಗಾನರಸಿಂಹ ಸ್ವಾಮಿ ದೇಗುಲಕ್ಕೆ ಭಕ್ತರ ದಂಡು.. 2 ಲಕ್ಷ ಲಡ್ಡು ವಿತರಣೆ..!
