ಬೆಂಗಳೂರು : ರಾಜ್ಯದ ಹಲವೆಡೆ ಡೆಂಘಿ ಮಹಾಮಾರಿ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ರಾಜ್ಯದಲ್ಲಿ ಈವರೆಗೂ 6831 ಡೆಂಘೀ ಪ್ರಕರಣಗಳು ಪತ್ತೆಯಾಗಿದೆ. ಡೆಂಘೀ ಜ್ವರ ಹೆಚ್ಚಾಗಿ ಮಕ್ಕಳಲ್ಲೇ ಕಾಣಿಸಿಕೊಳ್ತಿದೆ. 6831 ಮಂದಿ ಪೈಕಿ 2500ಕ್ಕೂ ಹೆಚ್ಚು ಮಂದಿ 18 ವರ್ಷ ಒಳಗಿನವರು ಎಂದು ತಿಳಿದು ಬಂದಿದೆ.
ಕಳೆದ 24 ಗಂಟೆಯಲ್ಲಿ 155 ಮಂದಿಯಲ್ಲಿ ಡೆಂಘೀ ಪತ್ತೆಯಾಗಿದೆ. 24 ಗಂಟೆಯಲ್ಲೇ 1 ವರ್ಷದೊಳಗಿನ 4 ಮಕ್ಕಳಿಗೆ ಡೆಂಘೀ ದೃಢವಾಗಿದ್ದು, ಈವರೆಗೆ 1 ವರ್ಷದೊಳಗಿನ 131 ಮಕ್ಕಳಲ್ಲಿ ಡೆಂಘೀ ಪತ್ತೆಯಾಗಿದೆ. 1 ವರ್ಷದಿಂದ 18 ವರ್ಷದೊಳಗಿನ 44 ಮಂದಿಗೆ ಡೆಂಘೀ ಅಟ್ಯಾಕ್ ಆಗಿದ್ದು, ಕಳೆದ 24 ಗಂಟೆಯಲ್ಲಿ 18 ವರ್ಷ ಮೇಲ್ಪಟ್ಟ 107 ಜನರಲ್ಲಿ ಡೆಂಘೀ ಪತ್ತೆಯಾಗಿದೆ. ಇಲ್ಲಿಯವರೆಗೂ 18 ವರ್ಷ ಮೇಲ್ಪಟ್ಟ 4305 ಮಂದಿಗೆ ಡೆಂಘೀ ದೃಢವಾಗಿದೆ.
ಇನ್ನು BBMP ವ್ಯಾಪ್ತಿಯಲ್ಲಿ 1793, ಶಿವಮೊಗ್ಗದಲ್ಲಿ 292, ಹಾಸನ-221 ಕೇಸ್ ಹಾಗೂ ಚಿಕ್ಕಮಗಳೂರು521, ಉಡುಪಿ-199, ದಕ್ಷಿಣ ಕನ್ನಡ-263, ಹಾವೇರಿ 481 ಕೇಸ್, ಚಿತ್ರದುರ್ಗದಲ್ಲಿ 275, ಬೆಳಗಾವಿ 180 ಮಂದಿಯಲ್ಲಿ ಡೆಂಘೀ ಪ್ರಕರಣಗಳು ಕಾಣಿಸಿಕೊಂಡಿದೆ.
