ಕೋಲಾರ : ಕೋಲಾರ-ಚಿಕ್ಕಬಳ್ಳಾಪುರ ಹಾಲು ಒಕ್ಕೂಟ ಕೋಚಿಮುಲ್ ಅಧ್ಯಕ್ಷ, ಮಾಲೂರು MLA ಕೆ.ವೈ.ನಂಜೇಗೌಡಗೆ ED ಶಾಕ್ ಕೊಟ್ಟಿದೆ.
)
ಶಾಸಕ ಕೆ.ವೈ.ನಂಜೇಗೌಡ ಅವರ ಮನೆ ಹಾಗೂ ಕಚೇರಿಗಳ ಮೇಲೆ ಬೆಳ್ಳಂಬೆಳಗ್ಗೆ ED ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ನಂಜೇಗೌಡ ಅವರಿಗೆ ಸೇರಿದ ನಾಲ್ಕು ಕಡೆಗಳಲ್ಲಿ ಇಡಿ ಅಧಿಕಾರಿಗಳು ಪರಿಶೀಲನೆ ನಡೆಸಿದ್ದಾರೆ.
MLA ನಂಜೇಗೌಡರ ಆಪ್ತರು, ಕೋಚಿಮುಲ್ ಅಧಿಕಾರಿಗಳಿಗೂ ED ಶಾಕ್ ನೀಡಿದೆ. ಒಟ್ಟು 10 ಕಡೆ ರೇಡ್ ಇಡಿ ಮಾಡಿದೆ. ಮಾಲೂರು ತಾಲೂಕಿನ ಕೊಮ್ಮನಹಳ್ಳಿ ಗ್ರಾಮದಲ್ಲಿರುವ ಮನೆ, ಹುತ್ತೂರು ಹೋಬಳಿ ಕೋಚಿಮುಲ್ ಕಚೇರಿಯಲ್ಲಿ, ಕೊಮ್ಮನಹಳ್ಳಿ ನಂಜುಂಡೇಶ್ವರ ಸ್ಟೋನ್ ಕ್ರಷರ್ನಲ್ಲಿ ಬೆಳಗಾನಹಳ್ಳಿಯಲ್ಲಿರುವ ಕೋಚಿಮುಲ್ ಕಚೇರಿಯಲ್ಲಿ ಶೋಧ ನಡೆದಿದೆ.ED ಕ್ರಷರ್ಗೆ ತೆರಳಿ ದಾಖಲೆ ಪರಿಶೀಲನೆ ಮಾಡಿದೆ.
ಇಡಿ ಅಧಿಕಾರಿಗಳು CRPF ಭದ್ರತೆಯಲ್ಲಿ ಪರಿಶೀಲನೆ ಮಾಡಿದ್ದಾರೆ. ಕೋಚಿಮುಲ್ 81 ಮಂದಿಯ ನೇಮಕಾತಿಯಲ್ಲಿ ಅಕ್ರಮ ಆರೋಪ ಕೇಳಿ ಬಂದಿತ್ತು.
MLA ನಂಜೇಗೌಡರ ಆಪ್ತರು, ಕೋಚಿಮುಲ್ ಅಧಿಕಾರಿಗಳಿಗೂ ಇಡಿ ಶಾಕ್ : ನಂಜೇಗೌಡ ಅವರ ಆಪ್ತ ಸಹಾಯಕ ಹರೀಶ್, ಕೋಚಿಮುಲ್ ಅಡ್ಮಿನ್ ಮ್ಯಾನೇಜರ್ ನಾಗೇಶ್ ಹಾಗೂ ಕೋಚಿಮುಲ್ MD ಗೋಪಾಲ್ಮೂರ್ತಿ ಮನೆಯಲ್ಲೂ ಶೋಧ ನಡೆಸಲಾಗಿದೆ. ಕೆ.ವೈ.ನಂಜೇಗೌಡರ ಬೆಂಗಳೂರು ನಿವಾಸದಲ್ಲೂ ಶೋಧ ಮುಂದುವರೆದಿದೆ. ED ಟೀಂ ದಾಖಲೆಗಳ ಪರಿಶೀಲನೆ ನಡೆಸಿ, ಹಲವು ಮಹತ್ವದ ದಾಖಲೆಗಳನ್ನು ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ : ಯಶ್ ಬರ್ತಡೇ ದಿನವೇ ಮನಕಲಕುವ ದುರಂತ..
