ಬೆಂಗಳೂರು : ಕುಡಿದ ಅಮಲಿನಲ್ಲಿ ವೈದ್ಯರೊಬ್ಬರು ಇಂಜೆಕ್ಷನ್ ಕೊಟ್ಟು ಯುವತಿ ಜೀವಕ್ಕೆ ಕುತ್ತು ತಂದಿದ್ದ ಘಟನೆ ಕುಮಾರಸ್ವಾಮಿ ಲೇಔಟ್ ಠಾಣಾ ವ್ಯಾಪ್ತಿಯ ಖಾಸಗಿ ಆಸ್ಪತ್ರೆಯಲ್ಲಿ ನಡೆದಿದೆ.
ನ.3 ರಂದು ತೀವ್ರ ಜ್ವರ ಎಂದು ಸ್ನೇಹಾ ಎಂಬ ಯುವತಿ ಆಸ್ಪತ್ರೆಗೆ ಹೋಗಿದ್ರು, ಈ ವೇಳೆ ಡಾಕ್ಟರ್ ಪ್ರದೀಪ್, ವಾರ್ಡ್ ಬಾಯ್ ಮಹೇಂದ್ರ ಎಣ್ಣೆ ಮತ್ತಿನಲ್ಲಿದ್ದರು. ಡ್ಯೂಟಿ ಇಲ್ಲದಿದ್ರು ಡಾಕ್ಟರ್, ವಾರ್ಡ್ ಬಾಯ್ ರೋಗಿಯನ್ನ ಅಟೆಂಡ್ ಮಾಡಿದ್ದಾರೆ.
ಮೊದಲಿಗೆ ವಾರ್ಡ್ ಬಾಯ್ ಮಹೇಂದ್ರ ಸ್ನೇಹಾ ಕೈ ಹಿಡಿದು ಸಿರಿಂಜ್ ಚುಚ್ಚಿದ್ದ, ಬಳಿಕ ಡಾಕ್ಟರ್ ಪ್ರದೀಪ್ ಕರೆದು ಟ್ರಿಟ್ಮೆಂಟ್ ಕೊಡುವಂತೆ ಕೇಳಿದ್ದ. ಡಾ.ಪ್ರದೀಪ್ ಇಂಜೆಕ್ಷನ್ ಹಿಡಿದು ಸ್ನೇಹಾ ಕೈಗೆ ಮತ್ತೆ ಚುಚ್ಚಿದ್ದಾರೆ. 4-5 ಬಾರಿ ಇಂಜೆಕ್ಷನ್ ಚುಚ್ಚಿದ್ರೂ ಸರಿಯಾಗಿ ಇಂಜೆಕ್ಷನ್ ಹಾಕಿಲ್ಲ.
ಡ್ರಿಂಕ್ಸ್ ಮಾಡಿ ಯುವತಿ ಜೊತೆ ಅಸಭ್ಯವಾಗಿ ವರ್ತಿಸಿರೋ ಆರೋಪ ಕೂಡ ಕೇಳಿಬಂದಿದೆ. ಸ್ನೇಹಾ ಪೋಷಕರು ಬರ್ತಿದ್ದಂತೆ ಡಾ.ಪ್ರದೀಪ್ ಆಸ್ಪತ್ರೆಯಿಂದ ಎಸ್ಕೇಪ್ ಆಗಿದ್ದಾರೆ. ನಂತರ ಸ್ನೇಹಾ ಪೋಷಕರು ವಾರ್ಡ್ ಬಾಯ್ನ ತರಾಟೆಗೆ ತೆಗೆದುಕೊಂಡಿದ್ದು, ಘಟನೆ ಬಗ್ಗೆ ಸ್ನೇಹಾ ಕುಮಾರಸ್ವಾಮಿ ಲೇಔಟ್ ಠಾಣೆಗೆ ದೂರು ನೀಡಿದ್ದಾರೆ. ಈ ಬಗ್ಗೆ ಸದ್ಯ ಪೊಲೀಸರು NCR ದಾಖಲು ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ : ಹ್ಯಾಟ್ರಿಕ್ ಹೀರೋಗೆ ಅನಾರೋಗ್ಯ.. ದಿಢೀರ್ ಆಗಿದ್ದೇನು? ಟ್ರೀಟ್ಮೆಂಟ್ಗಾಗಿ 1 ತಿಂಗಳು ಅಮೆರಿಕಾಗೆ ಹೋಗ್ಬೇಕು ಎಂದ ಶಿವಣ್ಣ..!
