ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್‌ ನಟನೆಯ ‘ಭೈರತಿ ರಣಗಲ್’ ಸಿನಿಮಾ ಇಂದು ರಾಜ್ಯಾದ್ಯಂತ ಅದ್ಧೂರಿಯಾಗಿ ರಿಲೀಸ್ ಆಗಿದೆ. ಶಿವಣ್ಣನ ಮಾಸ್‌ ಲುಕ್ ಕಂಡು ಫ್ಯಾನ್ಸ್ ಚಿತ್ರ ಮಂದಿರದಲ್ಲಿ ಹುಚ್ಚೆದ್ದು ಕುಣಿದಿದ್ದಾರೆ. ಬೆಳ್ಳಿ ತೆರೆ ಮೇಲೆ ಭೈರತಿ ರಣಗಲ್ ಚಿತ್ರದ ಅಬ್ಬರಿಸುತ್ತಿದ್ದು, ಕರ್ನಾಟಕದ 300 ಕ್ಕೂಹೆಚ್ಚು ಥಿಯೇಟರ್‌ನಲ್ಲಿ ಏಕಕಾಲಕ್ಕೆ ಭೈರತಿ ರಣಗಲ್ ಚಿತ್ರ ರಿಲೀಸ್ ಆಗಿದೆ.
ಸಿನಿಮಾ ನೋಡಲು ಭೈರತಿ ರಣಗಲ್ ವೇಷದಲ್ಲೇ ಡಾಲಿ ಧನಂಜಯ, ನಾಗಭೂಷಣ್, ವಿಕ್ಕಿ ಸೇರಿದಂತೆ ಅನೇಕ ಕಲಾವಿದರು ನರ್ತಕಿಗೆ ಬಂದಿದ್ದರು. ಈ ವೇಳೆ ಡಾಲಿ ಧನಂಜಯ್‌ ಅವರು ಥಿಯೇಟರ್‌ ಮುಂದೆ ಸಖತ್‌ ಸ್ಟೆಪ್ಸ್‌ ಹಾಕಿದ್ದಾರೆ. ಸೂಪರ್ ಹಿಟ್ ಮಫ್ತಿ ಪ್ರೀಕ್ವೆಲ್ ಭೈರತಿಯನ್ನ ಬೆಳ್ಳಿ ಪರದೆ ಮೇಲೆ ಕಂಡು ಫ್ಯಾನ್ಸ್ ಸಂಭ್ರಮಿಸುತ್ತಿದ್ದಾರೆ. ಸಿನಿಮಾದ ನಿರ್ಮಾಪಕಿ ಗೀತಾ ಶಿವರಾಜ್ ಕುಮಾರ್ ಸಹ ಬೆಳ್ಳಂಬೆಳಿಗ್ಗೆ ಅಭಿಮಾನಿಗಳೊಟ್ಟಿಗೆ ಸಿನಿಮಾ ನೋಡಿದ್ದಾರೆ.
ಶಿವಣ್ಣನ ಅಭಿಮಾನಿಗಳು ಚಿತ್ರ ರಿಲೀಸ್ ಆಗಿರೋದನ್ನು ದೊಡ್ಡ ಹಬ್ಬದಂತೆ ಸೆಲಬ್ರೇಟ್ ಮಾಡುತ್ತಿದ್ದಾರೆ. ಚಿತ್ರದ ಮುಂಗಡ ಟಿಕೆಟ್ ಬುಕ್ಕಿಂಗ್ನಲ್ಲಿ ಭಾರಿ ಮೊತ್ತದ ಟಿಕೆಟ್ ಸೇಲ್ ಆಗಿದೆ. ಕಳೆದ ಬಾರಿ ಘೋಸ್ಟ್ ಚಿತ್ರಕ್ಕಿಂತ ಭೈರತಿ ರಣಗಲ್ ನಲ್ಲಿ ಶಿವಣ್ಣನ ಪಾತ್ರದ ಖದರ್ ಜೋರಾಗಿಯೇ ಇದೆ.
ಭೈರತಿ ರಣಗಲ್ ಕನ್ನಡದ ಮೊದಲ ಪ್ರೀಕ್ವೆಲ್ ಸಿನಿಮಾವಾಗಿದ್ದು, ಈ ಚಿತ್ರದಲ್ಲಿ ನಟಿ ರುಕ್ಮಿಣ ವಸಂತ್, ಛಾಯಾ ಸಿಂಗ್ ಕೂಡ ನಟಿಸಿದ್ದಾರೆ. ಸಿಂಗ ಪಾತ್ರದಲ್ಲಿ ಮಧು ಗುರುಸ್ವಾಮಿ ಇದ್ದಾರೆ. ಇನ್ನು ಅವಿನಾಶ್, ದೇವರಾಜ್ ಹಾಗೂ ವಿಲನ್ ರೋಲ್‌ನಲ್ಲಿ ಬಾಲಿವುಡ್‌ನ ನಟ ರಾಹುಲ್ ಬೋಸ್ ಸೇರಿದಂತೆ ಹಲವಾರು ಕಲಾವಿದರು ಸೇರಿ ಇಡೀ ಚಿತ್ರ ತಂಡದಲ್ಲಿ ದೊಡ್ಡ ತಾರಾಗಣವಿದೆ. ಈ ಚಿತ್ರಕ್ಕೆ ರವಿ ಬಸ್ರೂರು ಸಂಗೀತ ಕೊಟ್ಟಿದ್ದು, ನವೀನ್ ಕುಮಾರ್ ಕ್ಯಾಮರಾವರ್ಕ್ ಮಾಡಿದ್ದಾರೆ.
ಇದನ್ನೂ ಓದಿ : ಮುಡಾ ಹಗರಣ : ED ವಿಚಾರಣೆಗೆ ಹಾಜರಾದ ಬೆನ್ನಲ್ಲೇ ಮೈಸೂರು ಪಾಲಿಕೆ ನೌಕರ ವಜಾ..!
