ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 11, 101ನೇ ದಿನಕ್ಕೆ ಕಾಲಿಟ್ಟಿದೆ. ಬಿಗ್ಬಾಸ್ ಸೀಸನ್ 11 ಗ್ರ್ಯಾಂಡ್ ಫಿನಾಲೆಗೆ ಇನ್ನೂ ವಾರಗಳು ಬಾಕಿ ಉಳಿದಿವೆ. ಸ್ಪರ್ಧಿಗಳಿಗೆ ಈ ಮೂರು ವಾರ ತುಂಬಾನೆ ಮುಖ್ಯವಾಗಿದೆ. ಇಷ್ಟು ವಾರದ ಆಟ ಒಂದು ಲೆಕ್ಕಾವಾದರೆ, ಈಗಿನಿಂದ ಒಂದು ಲೆಕ್ಕಾ ಶುರುವಾಗಿದೆ. ಈ ವಾರದಿಂದ ಮನೆಯಲ್ಲಿರೋ ಸ್ಪರ್ಧಿಗಳಿಗೆ ಆಟ ಸಖತ್‌ ಟಫ್‌ ಆಗಿರಲಿದೆ.
ಅಲ್ಲದೇ 9 ಸ್ಪರ್ಧಿಗಳಲ್ಲಿ ಒಬ್ಬರಿಗೆ ಮಾತ್ರ ಟಿಕೆಟ್ ಟು ಫಿನಾಲೆ ಸಿಗಲಿದೆ. ಅಂದರೆ ಒಬ್ಬರಿಗೆ ಮಾತ್ರ ಫಿನಾಲೆಗೆ ನೇರವಾಗಿ ಹೋಗುವ ಅವಕಾಶವನ್ನು ಬಿಗ್ಬಾಸ್ ಕಲ್ಪಿಸಿಕೊಟ್ಟಿದ್ದಾರೆ. ಅದರಲ್ಲೂ ಈ ವಾರ ಕ್ಯಾಪ್ಟನ್ ಆಗಿ ಹೊರ ಹೊಮ್ಮಿದ ರಜತ್ ಕೈಯಲ್ಲೇ ಸ್ಪರ್ಧಿಗಳ ಮುಂದಿನ ಭವಿಷ್ಯ ನಿರ್ಧಾರ ಆಗಲಿದೆ. ಯಾರು ಫೈನಲ್ಗೆ ಹೋಗಬೇಕು, ಯಾರು ಮನೆಗೆ ಹೋಗಬೇಕು ಅಂತ ಬಿಗ್ಬಾಸ್ ಕ್ಯಾಪ್ಟನ್ ನಿರ್ಧಾರ ಮಾಡಲಿದ್ದಾರೆ.
ಇನ್ನು, ನಿನ್ನೆಯ ಸಂಚಿಕೆಯಲ್ಲಿ ರಜತ್ ಅವರು ಯಾರು ನೇರವಾಗಿ ಮನೆಗೆ ಹೋಗಬೇಕು. ಯಾರು ಬಿಗ್ಬಾಸ್ ಫಿನಾಲೆಯಲ್ಲಿ ಇರಬೇಕು ಅಂತ ನಿರ್ಧಾರ ಮಾಡಿದ್ದರು. ಹನುಮಂತ, ಚೈತ್ರಾ ಕುಂದಾಪುರ, ಗೌತಮಿ, ಭವ್ಯಾ ಗೌಡ ಹಾಗೂ ಮೋಕ್ಷಿತಾ ಇವರನ್ನೆಲ್ಲ ಟಿಕೆಟ್ ಟು ಹೋಮ್ಗೆ ಸೆಲೆಕ್ಟ್ ಮಾಡಿದ್ದರು.
ಅಲ್ಲದೇ ಧನರಾಜ್, ತ್ರಿವಿಕ್ರಮ್ ಹಾಗೂ ಉಗ್ರಂ ಮಂಜು ಅವರನ್ನು ಟಿಕೆಟ್ ಟು ಫಿನಾಲೆಗೆ ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದೇ ಆಧಾರದ ಮೇಲೆ ಬಿಗ್ಬಾಸ್ ರಜತ್ ಟಿಕೆಟ್ ಟು ಹೋಮ್ಗೆ ಸೆಲೆಕ್ಟ್ ಮಾಡಿದ್ದ ಸ್ಪರ್ಧಿಗಳಿಗೆ ಟಾಸ್ಕ್ವೊಂದನ್ನು ಕೊಟ್ಟಿದ್ದರು. ಅದೇ ಟಾಸ್ಕ್ನಲ್ಲಿ ಬಿಗ್ಬಾಸ್ ಕಾಲ ಕಾಲಕ್ಕೆ ಬಾಲ್ಗಳ ಸುರಿಮಳೆ ಗೈಯುತ್ತಾರೆ. ಆಗ ಸ್ಪರ್ಧಿಗಳನ್ನು ಅದನ್ನು ಬುಟ್ಟಿಯಲ್ಲಿ ಹಿಡಿದಿಟ್ಟು ಕೊಳ್ಳಬೇಕಿತ್ತು. ಯಾವ ಸ್ಪರ್ಧಿ ಅತಿ ಹೆಚ್ಚು ಬಾಲ್ಗಳನ್ನು ಸಂಗ್ರಹ ಮಾಡುತ್ತಾರೋ ಅವರನ್ನು ಹಂತ ಹಂತವಾಗಿ ಟಿಕೆಟ್ ಟು ಫಿನಾಲೆ ಜಾಗಕ್ಕೆ ಕಳುಹಿಸಬೇಕಿತ್ತು. ಜೊತೆಗೆ ಧನರಾಜ್, ತ್ರಿವಿಕ್ರಮ್ ಹಾಗೂ ಉಗ್ರಂ ಮಂಜು ಪೈಕಿ ಒಬ್ಬರು ಆಚೆ ಬರಬೇಕಿತ್ತು.
ಅದರಂತೆ ಧನರಾಜ್, ತ್ರಿವಿಕ್ರಮ್ ಹಾಗೂ ಉಗ್ರಂ ಮಂಜು ಒಮ್ಮತದಿಂದ ಯಾರು ಬಾಲ್ ಟಾಸ್ಕ್ ಆಡಲು ಹೋಗಬೇಕು ಅಂತ ನಿರ್ಧಾರ ಮಾಡಬೇಕಿತ್ತು. ಆಗ ಇದೇ ವೇಳೆ ರಜತ್ ಉಗ್ರಂ ಮಂಜು ಕಳೆದ 4 ವಾರಗಳಿಂದ ಡಲ್ ಆಗಿದ್ದರು ಅಂತ ಹೇಳಿದ್ದರು. ಇದಕ್ಕೆ ಕೋಪಗೊಂಡ ಮಂಜು ಅವರು ಏಕಾಏಕಿ ರಜತ್ ಮೇಲೆ ಕೂಗಾಡಿದ್ದಾರೆ. ಅದರಲ್ಲೂ ಏಕವಚನದಲ್ಲಿ ಮಾತಾಡಿದ್ದಾರೆ. ಆ ಕೂಡಲೇ ತ್ರಿವಿಕ್ರಮ್ ಧನ್ರಾಜ್ ರಜತ್ ಹಾಗೂ ಮಂಜು ಅವರನ್ನು ಸಮಾಧಾನ ಮಾಡಿದ್ದಾರೆ.
ಇದನ್ನೂ ಓದಿ : ಅನಾವರಣವಾಯ್ತು ‘ಅಪಾಯವಿದೆ ಎಚ್ಚರಿಕೆ’ ಚಿತ್ರದ ಟೀಸರ್.. ಪ್ರೇಕ್ಷಕರು ಫಿದಾ..!
