ಬಳ್ಳಾರಿ : ರೇಣುಕಾಸ್ವಾಮಿ ಕೊಲೆ ಆರೋಪಿ ದರ್ಶನ್ಗೆ ರಾಜಾತಿಥ್ಯ ನೀಡಲಾಗುತ್ತಿತ್ತು ಎಂಬ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟ ದರ್ಶನ್ ಅವರನ್ನು ಬೆಂಗಳೂರಿನ ಪರಪ್ಪನ ಅಗ್ರಹಾರ ಜೈಲಿನಿಂದ ಬಳ್ಳಾರಿಗೆ ಶಿಫ್ಟ್ ಮಾಡಿದ್ದಾರೆ. ಮುಂಜಾನೆ 4.30ರ ಸುಮಾರಿಗೆ ಪರಪ್ಪನ ಅಗ್ರಹಾರ ಜೈಲಿನಿಂದ ದರ್ಶನ್ ಅವರನ್ನು ಪೊಲೀಸರು ಕರೆದೊಯ್ದಿದ್ದರು.
ಇದೀಗ ನಟ ದರ್ಶನ್ ಅವರು ಬಳ್ಳಾರಿ ಕೇಂದ್ರ ಕಾರಾಗೃಹಕ್ಕೆ ಎಂಟ್ರಿ ಆಗಿದ್ದಾರೆ. ಇಂದು ಬೆಳಿಗ್ಗೆ 10 ಗಂಟೆ ಸುಮಾರಿಗೆ ಬಳ್ಳಾರಿ ಜೈಲು ತಲುಪಿದ್ದಾರೆ. ಮುಂಜಾನೆ 4.30ರ ಸುಮಾರಿಗೆ ಬೆಂಗಳೂರಿನ ಕೇಂದ್ರ ಕಾರಾಗೃಹದಿಂದ ಅವರನ್ನು ಕರೆದುಕೊಂಡು ಹೋಗಲಾಯಿತು. ಸುಮಾರು ಐದೂವರೆ ಗಂಟೆಗಳ ಪ್ರಯಾಣದ ಬಳಿಕ ಪೊಲೀಸ್ ಭದ್ರತೆಯಲ್ಲಿ ನಟ ದರ್ಶನ್ KA 01 G 6898 ನೀಲಿ ಬಣ್ಣದ ಟಿಟಿ ವಾಹನದಲ್ಲಿ ಬಳ್ಳಾರಿ ತಲುಪಿದ್ದಾರೆ.
ಸಾಮಾನ್ಯ ಕೈದಿಯಂತೆ ಜೈಲಿಗೆ ಬಂದ ಕೊಲೆ ಆರೋಪಿ ದರ್ಶನ್, ಬ್ಲ್ಯಾಕ್ ಟೀಶರ್ಟ್, ಬ್ಲೂ ಜೀನ್ಸ್ ಧರಿಸಿದ್ದರು. ಕೈಯಲ್ಲಿ ಬೆಡ್ಶೀಟ್, ಒಂದು ವಾಟರ್ ಬಾಟೆಲ್ ಹಾಗೂ ಕೈಗೆ ಬ್ಯಾಂಡೇಜ್ ಹಾಕಿಕೊಂಡು ಬಳ್ಳಾರಿ ಜೈಲಿಗೆ ಎಂಟ್ರಿ ಕೊಟ್ಟಿದ್ದಾರೆ.
ದರ್ಶನ್ರನ್ನು ಪರಪ್ಪನ ಅಗ್ರಹಾರದಿಂದ ಶಿಫ್ಟ್ ಮಾಡಿದ ಹಿನ್ನಲೆ ಬಳ್ಳಾರಿ ಜೈಲಿಗೆ ವಿಸಿಟ್ ಮಾಡಿದ SP ಡಾ.ಶೋಭಾರಾಣಿ ಖುದ್ದು ದರ್ಶನ್ರನ್ನು ಪರಿಶೀಲಿಸಿದ ಮಾಡಿದ್ದಾರೆ. ಇನ್ನು ಬ್ಯಾರಕ್ ಪರಿಶೀಲಿಸಿದ ಅವರು,ನ ದರ್ಶನ್ ಜೈಲಿಗೆ ಎಂಟ್ರಿ ಆಗ್ತಿದ್ದಂತೆ ದರ್ಶನ್ಗೆ ವಾರ್ನಿಂಗ್ ಮಾಡಿದ್ದಾರೆ. ನಿಮ್ಮ ಆಟಾಟೋಪಗಳು ಇಲ್ಲಿ ನಡೆಯಲ್ಲ. ಮೊಬೈಲ್ ಬಳಸಂಗಿಲ್ಲ, ಇಲ್ಲಿ ಪರಪ್ಪನ ಅಗ್ರಹಾರದಂತೆ ಏನೂ ಸಿಗಲ್ಲ ಎಂದಿದ್ದಾರೆ.
ಇದನ್ನೂ ಓದಿ : “ಲವ್ ಈಸ್ ಲೈಫ್” ಚಿತ್ರಕ್ಕೆ ಬಂಡೆ ಮಹಾಕಾಳಮ್ಮ ಸನ್ನಿಧಿಯಲ್ಲಿ ಚಾಲನೆ..!
