ಗದಗ : ನೇಹಾ ಹತ್ಯೆ ಆಕಸ್ಮಿಕ ಎಂದ ಸಚಿವ ಪಾಟೀಲ್ಗೆ ಬೊಮ್ಮಾಯಿ ತಿರುಗೇಟು ಕೊಟ್ಟಿದ್ದಾರೆ. ತುಷ್ಟೀಕರಣ ರಾಜಕಾರಣದ ಚಷ್ಮಾ ಹಾಕಿ ಈ ಕೇಸ್ ನೋಡ್ಬೇಡಿ, ಶಿವಾನಂದ ಪಾಟೀಲ್ ಯಾವಾಗ್ಲೂ ಇಂಥದ್ದನ್ನೇ ಮಾಡ್ತಾರೆ, ಇದು ಕಾಂಗ್ರೆಸ್ನ ಮನಸ್ಥಿತಿ ಎಂದು ಕಿಡಿಕಾರಿದ್ದಾರೆ.
ಈ ಬಗ್ಗೆ ಗದಗದಲ್ಲಿ ಪ್ರಚಾರದ ವೇಳೆ ಬೊಮ್ಮಾಯಿ ಆಕ್ರೋಶ ಹೊರಹಾಕಿದ್ದಾರೆ. ಕಾಂಗ್ರೆಸ್ನವರು ಧರ್ಮ ಆಧಾರಿತ ಮೀಸಲಾತಿಗೆ ಹೊರಟಿದ್ದಾರೆ, ಕಾಂಗ್ರೆಸ್ನವರು ಹೆಚ್ಚುವರಿಯಾಗಿ 4 ಪರ್ಸೆಂಟ್ ಮೀಸಲಾತಿ ಕೊಟ್ಟಿದ್ರು. ಅದನ್ನೇ ಬ್ಯಾಕ್ ವರ್ಡ್ ಕ್ಲಾಸ್ ಕಮಿಷನ್ ಆಕ್ಷೇಪ ಮಾಡಿದೆ, ಧರ್ಮ ಆಧಾರಿತ ಮೀಸಲಾತಿ ಇಲ್ಲ ಅಂತಾ ಸಂವಿಧಾನದಲ್ಲಿದೆ ಎಂದಿದ್ದಾರೆ.
ಪಿತ್ರಾರ್ಜಿತ ಆಸ್ತಿ ಹಂಚಿಕೆ ಬಗ್ಗೆ ಕಾಂಗ್ರೆಸ್ ಮಾತನಾಡುತ್ತಿದೆ, ಯಾರದ್ದು ಕಿತ್ಕೊಂಡು ಯಾರಿಗೆ ಕೊಡ್ತಾರೆ ಅಂತಾ ಹೇಳಿದ್ದಾರಾ..? ಸಂವಿಧಾನ ಎಲ್ಲರಿಗೂ ಸ್ವತ್ತು ಹೊಂದುವ ಹಕ್ಕು ನೀಡಿದೆ ಎಂದು ಬಸವರಾಜ ಬೊಮ್ಮಾಯಿ ಕೆಂಡ ಕಾರಿದ್ದಾರೆ.
ಇದನ್ನೂ ಓದಿ : ಮಣಿಪುರದಲ್ಲಿ 3 ಬಾರಿ ಸ್ಫೋಟ : ಸೇತುವೆಗೆ ಹಾನಿ..!
