ಬಿಗ್ಬಾಸ್ ಕನ್ನಡ ಸೀಸನ್ 11 ಶುರುವಾಗಿ 41 ದಿನ ಕಳೆದಿದ್ದು, ಈಗಾಗಲೇ ಬಿಗ್ಬಾಸ್ ಮನೆಯಿಂದ 4 ಸ್ಪರ್ಧಿಗಳು ಆಚೆ ಬಂದಿದ್ದಾರೆ. ಈ ವಾರ ಯಾರು ಎಲಿಮಿನೇಟ್ ಆಗುತ್ತಾರೆ ಅನ್ನೋದನ್ನು ನಾಳೆಯವರೆಗೆ ಕಾದುನೋಡಬೇಕಿದೆ. ಇದೀಗ ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಕೊಟ್ಟ ಹನುಮಂತು ಮುಗ್ದತೆಯನ್ನೇ ಅಸ್ತ್ರ ಮಾಡಿಕೊಂಡ್ರಾ? ಹನುಮಂತು ನಿಜಕ್ಕೂ ಮುಗ್ದನಾ ಎಂಬ ಚರ್ಚೆ ಬಿಗ್ ಬಾಸ್ ಮನೆಯಲ್ಲಿ ಜೋರಾಗಿದೆ.
ವಾರದ ಕಥೆ ಕಿಚ್ಚನ ಜೊತೆಯಲ್ಲಿ ಎಪಿಸೋಡ್ನಲ್ಲೂ ಈ ವಿಚಾರವಾಗಿ ಚರ್ಚೆ ನಡೆದಿದೆ. ಹನುಮಂತು ಬಗ್ಗೆ ಮಾತಾಡಿದ ಕಿಚ್ಚ ಸುದೀಪ್, ಸುರೇಶ್ ಅವರೇ ಮನೆಯಲ್ಲಿ ಯಾರೇ ನಾಮಿನೇಟ್ ಮಾಡಿದ್ರು ಜಗಳ ಮಾಡ್ತೀರಾ, ಆದ್ರೆ ಹನುಮಂತು ಏನ್ ಹೇಳಿದ್ರು ತಲೆ ಅಲ್ಲಾಡಿಸ್ತೀರಾ ಯಾಕೆ ಎಂದು ಪ್ರಶ್ನೆ ಮಾಡಿದ್ರು. ಇದಕ್ಕೆ ಉತ್ತರಿಸಿದ ಗೋಲ್ಡ್ ಸುರೇಶ, ಅವನಿಗೆ ನಾನು ಏನೇ ಕೇಳಿದ್ರು. ಅವನಿಂದ ಬರೋದು ಒಂದೇ ಉತ್ತರ. ಮಾವ ನಾನು ನಂದು ಹೇಳಿದ್ದೇನೆ. ನಿಂದು ನೀನು ಆಮೇಲೆ ಹೇಳ್ಕೊ ಅಂತ ಹೋಗೇ ಬಿಡ್ತಾನೆ ಎಂದ್ರು.
ಹನುಮಂತು ಮುಗ್ದನಾ ಎನ್ನುವ ಪ್ರಶ್ನೆಗೆ ಹಲವು ಸ್ಪರ್ಧಿಗಳು ಇಲ್ಲ ಎನ್ನುವ ಉತ್ತರ ಕೊಟ್ಟಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿರುವವರ ಮಾತು ಕೇಳಿ ಹನುಮಂತು ದಂಗಾಗಿದ್ದಾರೆ. ಹನುಮಂತು ಬಗ್ಗೆ ಮಾತಾಡಿದ ಮೋಕ್ಷಿತಾ, ಹನುಮಂತು ಇನೋಸೆಂಟ್ ತರ ಕಾಣ್ತಾರೆ ಆದ್ರೆ ಇನೋಸೆಂಟ್ ಅಲ್ಲ ಎಂದಿದ್ದಾರೆ. ತ್ರಿವಿಕ್ರಮ್ ಕೂಡ ಹನುಮಂತು ಮುಗ್ದನಲ್ಲ ಎಂದಿದ್ದಾರೆ. ಅವನ ಮುಖ ಹಾಗೂ ಅವನು ಇರೋದನ್ನು ನೋಡಿದ್ರೆ ಮುಗ್ದ ಅನಿಸುತ್ತೆ ಆದ್ರೆ ಅವನು ಕ್ಲೆವರ್ ಎಂದು ತ್ರಿವಿಕ್ರಮ್ ಹೇಳಿದ್ರು. ಹೊರಗೆ ತೋರಿಸಿಕೊಳ್ತಿರುವಷ್ಟು ಹನುಮಂತ ಮುಗ್ದನಲ್ಲ ಎಂದು ಚೈತ್ರಾ ಕುಂದಾಪುರ ಹೇಳಿದ್ರು.
ಸ್ಪರ್ಧಿಗಳ ಅಭಿಪ್ರಾಯ ಕೇಳಿ ಶಾಕ್ ಆದ ಹನುಮಂತ, ಇಲ್ಲಿಗೆ ಬಂದೋರಿಲ್ಲ ಇನೋಸೆಂಟ್, ಎಲ್ಲರೂ ನಮಗೇನು ಗೊತ್ತಿಲ್ಲ ಎನ್ನುವಂತೆ ನಾಟಕ ಮಾಡ್ತಿದ್ದಾರೆ. ಎಲ್ಲರೂ ಒಂದೇ ನಾನು ಕೂಡ ಅದೇ ರೀತಿ ಎಂದು ಕೋಪದಲ್ಲಿ ಹೇಳಿದ್ದಾರೆ.
ಇದನ್ನೂ ಓದಿ : ಬೆಳಗಾವಿ : ಗ್ರಾಮ ಪಂಚಾಯಿತಿ ಕಚೇರಿಗೆ ಪೆಟ್ರೋಲ್‌ ಬಾಂಬ್‌ ಎಸೆದ ಕಿಡಿಗೇಡಿಗಳು..!
