ಬಿಗ್ಬಾಸ್ ಸೀಸನ್‌ 11 ಇತ್ತೀಚೆಗೆ ಅದ್ಭುತವಾಗಿ ಮೂಡಿ ಬರುತ್ತಿದೆ. ಸದ್ಯ ಬಿಗ್ಬಾಸ್ ಮನೆಯಲ್ಲಿ ಸ್ಪರ್ಧಿಗಳಿಗೆ ಜೋಡಿ ಟಾಸ್ಕ್ ಕೊಟ್ಟಿದ್ದಾರೆ. ಸ್ಪರ್ಧಿಗಳು ಜೋಡಿಗಳಾಗಿ ಈ ಬಾರಿ ಟಾಸ್ಕ್ನಲ್ಲಿ ಭಾಗವಹಿಸುತ್ತಿದ್ದಾರೆ. ಈ ನಡುವೆ ಇದೇ ಟಾಸ್ಕ್ನಲ್ಲಿ ಭವ್ಯಾ ಗೌಡ ಹಾಗೂ ತ್ರಿವಿಕ್ರಮ್ ವೇದಿಕೆ ಮೇಲೆ ರೊಮ್ಯಾನ್ಸ್ ಮಾಡಿದ್ದಾರೆ.
ಹೌದು, ನಿನ್ನೆ ನಡೆದ ಎಪಿಸೋಡ್ನಲ್ಲಿ ರಾಮಾಚಾರಿ ಸೀರಿಯಲ್ ನಟ ಹಾಗೂ ನಟಿ ಬಿಗ್ಬಾಸ್ ಮನೆಗೆ ಆಗಮಿಸಿದ್ದರು. ಈ ವೇಳೆ ಬಿಗ್ ಬಾಸ್ ಸ್ಪರ್ಧಿಗಳಿಗೆ ಮನೋರಂಜನಾ ಕಾರ್ಯಕ್ರಮ ನೀಡಲು ಟಾಸ್ಕ್ ನೀಡಿತ್ತು. ಇದೇ ಟಾಸ್ಕ್ ಅನುಸಾರ ಭವ್ಯಾ ಗೌಡ ಹಾಗೂ ತ್ರಿವಿಕ್ರಮ್ ವೇದಿಕೆ ಮೇಲೆ ರೋಮ್ಯಾಂಟಿಕ್ ಡ್ಯಾನ್ಸ್ ಮಾಡಿದ್ದಾರೆ.
ಸದ್ಯ ಕಲರ್ಸ್ ಕನ್ನಡ ಶೇರ್ ಮಾಡಿಕೊಂಡ ಹೊಸ ಪ್ರೋಮೋದಲ್ಲಿ ಭವ್ಯಾ ಗೌಡ ಹಾಗೂ ತ್ರಿವಿಕ್ರಮ್ ಜೊತೆಯಾಗಿ ವೇದಿಕೆ ಮೇಲೆ ಪಂಚತಂತ್ರ ಸಿನಿಮಾದ ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ ಸಾಂಗ್ ಈ ಇಬ್ಬರು ಡ್ಯಾನ್ಸ್ ಮಾಡಿದ್ದಾರೆ. ಆದರೆ ಆ ಡ್ಯಾನ್ಸ್ ಮಧ್ಯೆ ಕಣ್ಣಲೇ ಸನ್ನೆ ಮಾಡಿಕೊಂಡು ಇಬ್ಬರು ನಾಚಿ ನೀರಾಗಿದ್ದಾರೆ. ಇನ್ನೂ ಭವ್ಯಾ ಹಾಗೂ ತ್ರಿವಿಕ್ರಮ್ ಡ್ಯಾನ್ಸ್ ನೋಡಿ ಮನೆ ಮಂದಿಯೆಲ್ಲಾ ಇಬ್ಬರನ್ನು ರೇಗಿಸಿದ್ದಾರೆ.
ಜನರು ಪ್ರೊಮೊಗೆ ಬಗೆ ಬಗೆಯ ಕಮೆಂಟ್ ಮಾಡ್ತಿದ್ದಾರೆ. ‘ದೇವ್ರೇ ಕಾಯುತ್ತಿದ್ದ ಕ್ಷಣ ಬಂದೇ ಬಿಟ್ಟಿತು, ಕಣ್ಣಿಗೆ ಹಬ್ಬ, ಇದಕ್ಕಿಂತ ಚೆಲುವು ಇನ್ನೆಲಿದೆ.. ಸ್ವರ್ಗ ಅಂದ್ರೆ ಇದೇನಾ.. ಏಂಜಲ್ ನೊಂದಿಗೆ ಕಿಂದರಿ ಜೋಗಿಯ ಪ್ರಣಯ’ ಎಂದು ನೆಟ್ಟಿಗರೊಬ್ಬರು ಬರೆದಿದ್ದಾರೆ.
ಇದನ್ನೂ ಓದಿ : ಐಶ್ವರ್ಯಾ ರೈ ಬಗ್ಗೆ ಸಲ್ಮಾನ್ ಖಾನ್ ಆ ಮಾತು ಹೇಳಿದ್ಯಾಕೆ? ವಿಡಿಯೋ ವೈರಲ್..!
