ಬೆಂಗಳೂರು : ಬೀದಿ ನಾಯಿಗೆ ಊಟ ಹಾಕುವ ವೇಳೆ ಮಹಿಳೆಗೆ ನಿಂದಿಸಿ ಹಲ್ಲೆಗೆ ಯತ್ನಿಸಿರುವ ಘಟನೆ ಹೆಚ್.ಎ.ಎಲ್ ಠಾಣಾ ವ್ಯಾಪ್ತಿಯ ಬಸವನಗರದ ಗುರುರಾಜ ಲೇಔಟ್ನಲ್ಲಿ ನಡೆದಿದೆ. ಸದ್ಯ ಹಲ್ಲೆಗೆ ಯತ್ನಿಸಿದ ಐವರ ವಿರುದ್ಧ ಹೆಚ್.ಎ.ಎಲ್ ಪೊಲೀಸ್ ಠಾಣೆಯಲ್ಲಿ FIR ದಾಖಲಾಗಿದೆ.
ಗುರುರಾಜ ಲೇಔಟ್ನ 6ನೇ ಕ್ರಾಸ್ನಲ್ಲಿ 4 ಬಿದಿ ನಾಯಿಗಳಿಗೆ ಅನ್ನಿ ಜಾರ್ಜ್ ಎಂಬ ಮಹಿಳೆ ನಿತ್ಯ ಊಟ ಹಾಕ್ತಿದ್ದರು. ನವೆಂಬರ್ 5ರ ರಾತ್ರಿ ಊಟ ಹಾಕ್ತಿದ್ದಾಗ ಬಂದ ಅಪರಿಚಿತ ವ್ಯಕ್ತಿಗಳು ಕಿರಿಕ್ ಮಾಡಿದ್ದರು.
ಮಹಿಳೆ ಬೈಕ್ ಕೀ ಕಿತ್ತುಕೊಂಡು ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. ಇನ್ನು ಮಹಿಳೆಯ ಮೊಬೈಲ್ ಬಿಸಾಡಿ, ಪ್ಲಾಸ್ಟಿಕ್ ಸ್ಟಿಕ್ನಿಂದ ಹಲ್ಲೆಗೆ ಯತ್ನಿಸಿದ್ದರು. ಈ ಸಂಬಂಧ 5 ಜನರ ವಿರುದ್ಧ ಮಹಿಳೆ ಹೆಚ್.ಎ.ಎಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಸದ್ಯ ಐವರ ವಿರುದ್ದ FIR ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.
ಇದನ್ನೂ ಓದಿ : ಇಂದಿನಿಂದ ಭಾರತ-ದಕ್ಷಿಣ ಆಫ್ರಿಕಾ ಟಿ20 ಸರಣಿ – ಪಂದ್ಯ ಎಷ್ಟು ಗಂಟೆಗೆ ಆರಂಭ? ಇಲ್ಲಿದೆ ವಿವರ..!
