ಬೆಂಗಳೂರು : ವ್ಯಕ್ತಿಯೋರ್ವ ಕಂಠಪೂರ್ತಿ ಕುಡಿದು ಅಡ್ಡಾದಿಡ್ಡಿಯಾಗಿ ಕಾರು ಚಲಾಯಿಸಿಕೊಂಡು ಬಂದು ರಸ್ತೆ ದಾಟುತ್ತಿದ್ದ ಯುವತಿಗೆ ಡಿಕ್ಕಿ ಹೊಡೆದ ಪರಿಣಾಮ ಯುವತಿ ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ಕೆಂಗೇರಿ ಸಂಚಾರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಖ್ಯಾತ ಪೇಯಿಂಟರ್ ಸಂಧ್ಯಾ ಸಿದ್ದಲಿಂಗಯ್ಯ ಸಾವನ್ನಾಪ್ಪಿದ ಯುವತಿ.
ಧನುಷ್ ಎಂಬಾತ ಕಂಠಪೂರ್ತಿ ಕುಡಿದು ಅಪಘಾತ ಮಾಡಿದ ವ್ಯಕ್ತಿ. ನಿನ್ನೆ ಧನುಷ್ ಕುಡಿದ ಮತ್ತಿನಲ್ಲಿ ಬೆಂಜ್ ಕಾರನ್ನು ಅತೀ ವೇಗವಾಗಿ ಚಲಾಯಿಸಿಕೊಂಡು ರಸ್ತೆ ದಾಟುತ್ತಿದ್ದ ಸಂಧ್ಯಾ ಎಂಬುವವರಿಗೆ ಡಿಕ್ಕಿ ಹೊಡೆದಿದ್ದಾನೆ. ಕಾರು ಗುದ್ದಿದ ಪರಿಣಾಮ ಯುವತಿ ಸ್ಥಳದಲ್ಲಿ ಸಾವನ್ನಪ್ಪಿದ್ದಾರೆ.
ಘಟನೆಯ ಸಂಬಂಧ ಆರೋಪಿ ಧನುಷ್ ಅನ್ನು ಬಂಧಿಸಿದ ಪೊಲೀಸರು ಕಾರನ್ನು ವಶಕ್ಕೆ ಪಡೆದಿದ್ದಾರೆ. ಕೆಂಗೇರಿ ಸಂಚಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇನ್ನು ಉತ್ತಮ ಆರ್ಟಿಸ್ಟ್ ಆಗಿದ್ದ ಮೃತ ಯುವತಿ ಹಲವು ನಟ ನಟಿಯರ ಚಿತ್ರ ಬರೆದಿದ್ದರು. ಅಷ್ಟೇ ಅಲ್ಲದೆ ಕನ್ನಡ ಖ್ಯಾತ ನಟ ನಟಿಯರ ಜೊತೆ ಉತ್ತಮ ಬಾಂಧವ್ಯ ಕೂಡಾ ಹೊಂದಿದ್ದರು.
ಇದನ್ನೂ ಓದಿ : ನಟ, ನಿರ್ದೇಶಕ ‘ಮಠ’ ಗುರುಪ್ರಸಾದ್ ಆತ್ಮಹತ್ಯೆ..!
