ಬಿಗ್ಬಾಸ್ ಭಾನುವಾರದ ಎಪಿಸೋಡ್ ಸಾಮಾನ್ಯವಾಗಿ ತಮಾಷೆಯಿಂದ ಕೂಡಿರುತ್ತದೆ. ಮನೆಯ ಸದಸ್ಯರಿಂದ ಕೆಲವು ಫನ್ ಆಟಗಳನ್ನು ಸಹ ಸುದೀಪ್ ಆಡಿಸುತ್ತಾರೆ. ಆದರೆ ಈ ಭಾನುವಾರದ ಎಪಿಸೋಡ್ ತುಸು ಗಂಭೀರವಾಗಿರಲಿದೆ. ಆ ಸೂಚನೆಯನ್ನು ಇದೀಗ ಬಿಡುಗಡೆ ಆಗಿರುವ ಪ್ರೋಮೋ ನೀಡಿದೆ.
ಸೂಪರ್ ಸಂಡೇ ವಿಥ್ ಬಾದ್ ಷಾ ಶೋನಲ್ಲಿ ಸುದೀಪ್ ಬಿಗ್ ಬಾಸ್ ಮನೆಯ ಸದಸ್ಯರಿಗೆ ಒಂದು ಸ್ಪೆಷಲ್ ಟಾಸ್ಕ್ ನೀಡಿದ್ದಾರೆ. ಗಾದೆ ಮಾತುಗಳು ಬಿಗ್ ಬಾಸ್ ಮನೆಯಲ್ಲಿ ಯಾರಿಗೂ ಸೂಟ್ ಆಗುತ್ತೆ ಅವರ ಕುತ್ತಿಗೆಗೆ ಹಾಕಬೇಕು ಅನ್ನೋ ಆಟದಲ್ಲಿ ಬಿಗ್ಬಾಸ್ ಮನೆಯಲ್ಲಿರುವವರ ಮನದ ಕಿಚ್ಚು ಹೊರಗೆ ಬಂದಿದೆ.
ಗಾದೆ ಮಾತುಗಳ ಈ ಗುದ್ದಾಟದಲ್ಲಿ ಎಲ್ಲರಿಗಿಂತ ಮುಖ್ಯವಾಗಿ ತ್ರಿವಿಕ್ರಮ್ ಅವರನ್ನೇ ಟಾರ್ಗೆಟ್ ಮಾಡಲಾಗಿದೆ. ತ್ರಿವಿಕ್ರಮ್‌ಗೆ ಚೈತ್ರಾ ಕುಂದಾಪುರ ಅವರು ಮಾಡೋದೆಲ್ಲಾ ಅನಾಚಾರ ಮನೆ ಮುಂದೆ ಬೃಂದಾವನ. ಇವರು ಹಾವನ್ನ ಹೂ ಅಂತ ಒಪ್ಪಿಸುತ್ತಾರೆ. ತುಂಬಾ ಅನಾಚಾರಗಳು ಮುಂದಿನ ದಿನಗಳಲ್ಲಿ ಹೊರಗೆ ಬರ್ತಾವೆ ಸರ್ ಎಂದು ಭವಿಷ್ಯ ನುಡಿದಿದ್ದಾರೆ.
ಮೋಕ್ಷಿತಾ ಅವರು ಕೂಡ ತ್ರಿವಿಕ್ರಮ್‌ಗೆ ನರಿ ಬಣ್ಣ ಬದಲಾದ್ರೂ ಬುದ್ದಿ ಮಾತ್ರ ಬದಲಾಗಲ್ಲ ಅನ್ನೋ ಗಾದೆ ಮಾತಿನ ಬೋರ್ಡ್ ಹಾಕಿದ್ದಾರೆ. ಅವರೇ ಅವರ ಬುದ್ದಿಯನ್ನ ತೋರಿಸುತ್ತಾ ಬರುತ್ತಾರೆ ಎಂದು ಮೋಕ್ಷಿತಾ ಅವರು ಹೇಳಿದ್ದಾರೆ. ಶೋಭಾ ಶೆಟ್ಟಿ ಸಹ ತ್ರಿವಿಕ್ರಮ್ ಅವರಿಗೆ ಇವರೊಬ್ಬರು ಹೈಲೆಟ್ ಆಗಲು ಯಾರನ್ನ ಹೇಗೆ ಬೇಕಾದ್ರೂ ಬಳಸಿಕೊಳ್ಳುತ್ತಾರೆ ಅನ್ನೋ ಮಾತನಾಡಿದ್ದಾರೆ.
ಚೈತ್ರಾ, ಮೋಕ್ಷಿತಾ, ಶೋಭಾ ಅವರ ಮಾತುಗಳು ತ್ರಿವಿಕ್ರಮ್ ಅವರನ್ನ ಕೆರಳುವಂತೆ ಮಾಡಿದ್ದು, ಗಾದೆ ಮಾತುಗಳಿಗೆ ತಿರುಗೇಟು ಕೊಟ್ಟ ತ್ರಿವಿಕ್ರಮ್ ಅವರು ಬಿಗ್ ಬಾಸ್ ಮನೆಯಲ್ಲಿ ಮಣ್ಣಿನ ಗೊಂಬೆ, ಕೀಲಿ ಗೊಂಬೆಗಳು ತುಂಬಾ ಇದೆ. ಇಷ್ಟು ದಿನ ಅವರು ಏನ್ ಮಾಡ್ತಾರೋ ಓಕೆ ಅಂದುಕೊಂಡು ಸುಮ್ನೆ ಇದ್ದೆ. ಇನ್ನು ಆಗಲ್ಲ ಸಾರ್‌ ಎಂದು ಕಿಚ್ಚ ಸುದೀಪ್ ಅವರಿಗೆ ನೇರವಾಗಿ ಹೇಳಿದ್ದಾರೆ.
ಇದನ್ನೂ ಓದಿ : ದಾಸನಿಗೆ ಸಂಕಷ್ಟದ ಮೇಲೆ ಸಂಕಷ್ಟ – ದರ್ಶನ್ ಶೆಡ್ನಲ್ಲಿದ್ದ ಮತ್ತಷ್ಟು ಎಕ್ಸ್ಕ್ಲೂಸಿವ್ ಫೋಟೋಸ್ ರಿಟ್ರೀವ್‌..!
