ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ ಬಿಟ್ಟ ನಟಿ ಸಂಜನಾ ಬುರ್ಲಿ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ಬಂದು ಕಣ್ಣೀರು ಹಾಕಿದ್ದಾರೆ.
ನಟಿ ಸಂಜನಾ ಬುರ್ಲಿ ಅವರು ಸೀರಿಯಲ್‌ ಬಿಡಬೇಕಾಗಿದ್ದ ಹಿನ್ನೆಲೆಯಲ್ಲಿ ಕಥೆಯನ್ನು ಬದಲಿಸಿ ಆ ಪಾತ್ರಕ್ಕೆ ಬೇರೊಬ್ಬರನ್ನು ತರದೇ ಪಾತ್ರವನ್ನೇ ಸಾಯಿಸಲಾಗಿದೆ. ಸ್ನೇಹಾಳ ಹೃದಯವನ್ನು ಇನ್ನೊಬ್ಬಳು ಸ್ನೇಹಾಕ್ಕೆ ಅಳವಡಿಸಲಾಗಿದ್ದು, ಇದೀಗ ಈ ಸ್ನೇಹಾಳ ರೂಪದಲ್ಲಿ ಆ ಸ್ನೇಹಾ ಮುಂದೆ ಬರುತ್ತಿದ್ದಾಳೆ. ಆದರೆ ಕೆಲವು ವರ್ಷ ಒಂದು ಪಾತ್ರವನ್ನು ನೋಡಿದ ಅಭಿಮಾನಿಗಳಿಗೆ ಆ ಪಾತ್ರ ಇನ್ನಿಲ್ಲ ಎಂದು ಗೊತ್ತಾದಾಗ ನೋವಾಗುವುದು ಸಹಜ. ಅದೇ ರೀತಿ ಸಂಜನಾ ಬುರ್ಲಿ ಅವರು ಸೀರಿಯಲ್‌ ಬಿಟ್ಟು ಹೋಗಿರುವುದಕ್ಕೂ ಅಭಿಮಾನಿಗಳಿಗೆ ಬೇಸರ ತರಿಸಿದೆ.
ನಟಿ ಸೀರಿಯಲ್‌ ಬಿಟ್ಟ ಮೇಲೆ ಸೋಷಿಯಲ್‌ ಮೀಡಿಯಾದಲ್ಲಿ ಆಕ್ಟೀವ್‌ ಆಗಿದ್ದಾರೆ. ಮೊದಲಿನಿಂದಲೂ ಸಂಜನಾ ಅವರು ರೀಲ್ಸ್‌, ವಿಡಿಯೋ, ಡಾನ್ಸ್‌ ಎಲ್ಲಾ ಮಾಡುತ್ತಲೇ ಇದ್ದರು. ಈಗ ಸೀರಿಯಲ್‌ ಬಿಟ್ಟ ಮೇಲೆ ಮತ್ತಷ್ಟು ಆಕ್ಟೀವ್‌ ಆಗಿದ್ದಾರೆ. ಅಂದಹಾಗೆ ಈಗ ಇನ್ನೊಂದು ವಿಡಿಯೋ ಅನ್ನು ಸಂಜನಾ ಬುರ್ಲಿ ಅವರು ಶೇರ್‌ ಮಾಡಿದ್ದಾರೆ.
ನಟಿಯ ವಿಡಿಯೋ ಶುರು ಮಾಡುವ ಮೊದಲು ಅವರ ಮುಖ ನೋಡಿ ಅಭಿಮಾನಿಗಳು ಶಾಕ್‌ ಆಗಿದ್ದಾರೆ. ಆಮೇಲೆ ಈ ವಿಡಿಯೋ ಪ್ಲೇ ಮಾಡಿದ ಮೇಲೆ ನಟಿ ಸಂಜನಾ ಬುರ್ಲಿ ಅವರು ರೀಲ್ಸ್‌ ಮಾಡುತ್ತಿರುವುದು ತಿಳಿದಿದೆ. ಮಿನುಗುತಾರೆ ಕಲ್ಪನಾ ಅವರ ಸಿನಿಮಾದ ಡೈಲಾಗ್‌ ಅನ್ನು ಡಬ್‌ಮ್ಯಾಷ್‌ ಮಾಡಿ ಸಕತ್‌ ಆಕ್ಟಿಂಗ್‌ ಮಾಡಿದ್ದಾರೆ ನಟಿ. ಇದನ್ನು ನೋಡಿ ಅಭಿಮಾನಿಗಳು ಸೂಪರ್‌ ಎನ್ನುತ್ತಿದ್ದಾರೆ.
