ರೋರಿಂಗ್ ಸ್ಟಾರ್ ಶ್ರೀಮುರಳಿ ನಟನೆಯ “ಬಘೀರ” ಸಿನಿಮಾ ಅ.31ರಂದು ಬಿಡುಗಡೆಗೊಂಡು ಅದ್ದೂರಿಯಾಗಿ ಪ್ರದರ್ಶನ ಕಾಣುತ್ತಿದೆ. ಪ್ರಶಾಂತ್ ನೀಲ್ರವರ ಕಥೆ, ಡಾ.ಸೂರಿ ನಿರ್ದೇಶನದಲ್ಲಿ ಈ ಸಿನಿಮಾ ಅದ್ಭತವಾಗಿ ಮೂಡಿಬಂದಿದೆ. ಸದ್ಯ ಬಘೀರ ಅಭಿಮಾನಿಗಳ ಮನಗೆದ್ದಿದ್ದು, 3ನೇ ದಿನದತ್ತ ಮುನ್ನಗ್ಗುತ್ತಿದೆ. ರಿಲೀಸ್ ಆದ 2ನೇ ದಿನದಲ್ಲಿ ಬಾಕ್ಸಾಫೀಸ್ ಕಲೆಕ್ಷನ್ನಲ್ಲಿ ಬಘೀರ ಹೊಸ ರೆಕಾರ್ಡ್ ಬರೆದಿದೆ.
ಅಂದಹಾಗೆಯೇ ಮೊದಲ ದಿನದಂದು ಬಘೀರ ಉತ್ತಮ ಕಲೆಕ್ಷನ್ ಕಂಡಿದ್ದು, ಅಭಿಮಾನಿಗಳ ಉತ್ತಮ ಪ್ರತಿಕ್ರಿಯೆ ಕಂಡು ಸಿನಿಮಾ ತಂಡ ಸಂತೋಷಗೊಂಡಿದೆ. ಬಘೀರ ಸಿನಿಮಾ ಎರಡನೇ ದಿನವು ಎಲ್ಲಡೆ ಹೌಸ್ಪುಲ್ ಪ್ರದರ್ಶನ ಕಂಡಿದೆ. ಸಿನಿಮಾ ಎರಡೇ ದಿನದಲ್ಲಿ ಕನ್ನಡದಲ್ಲಿ ಮಾತ್ರ 12 ಕೋಟಿ ಕಲೆಕ್ಷನ್ ಮಾಡಿದೆ ಅಂತ ಗಾಂಧಿನಗರ ಬಾಕ್ಸಾಫೀಸ್ ಲೆಕ್ಕಾಚಾರ ಹಾಕಿದೆ.
ವೀಕೆಂಡ್ ಕಲೆಕ್ಷನ್ ಏನಾಗುತ್ತೆ? ದೀಪಾವಳಿ ಹಬ್ಬದ ಈ ಸಂದರ್ಭದಲ್ಲಿ ಬ್ಯಾಕ್ ಟು ಬ್ಯಾಕ್ ರಜೆಗಳಿವೆ. ‘ಬಘೀರ’ ಸಿನಿಮಾಗೆ ಪಾಸಿಟಿವ್ ಆಗಿ ಸಾಬೀತಾಗಿದೆ. ಇನ್ನು ವೀಕೆಂಡ್‌ನಲ್ಲೂ ನಾಲ್ಕರಿಂದ ಐದು ಕೋಟಿ ಕಲೆಕ್ಷನ್ ಆದರೆ, ಮೊದಲ ನಾಲ್ಕು ದಿನ ಕಮ್ಮಿ ಅಂದರೂ 15 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಬಹುದು. ಒಂದು ವಾರದಲ್ಲಿ 25 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಬಹುದು ಎಂಬ ನಿರೀಕ್ಷೆಯಿದೆ.
ಬಘೀರ ಸಿನಿಮಾವು ಅಪರಾಧದಿಂದ ತುಂಬಿದ ಜಗತ್ತಿನಲ್ಲಿ ನ್ಯಾಯವನ್ನು ಹುಡುಕುವ ಕಥೆಯನ್ನು ಆಧರಿಸಿದೆ. ಶ್ರೀಮುರಳಿ ವಿಭಿನ್ನವಾಗಿ ಪಾತ್ರವನ್ನು ನಿಭಾಯಿಸಿದ್ದಾರೆ. ಸದ್ಯ ನಟನ ಹೊಸ ಅವತಾರ ಕಂಡು ‘‘ಭಾರತೀಯ ಬ್ಯಾಟ್ಮ್ಯಾನ್’’ ಎಂದು ಕರೆಯುತ್ತಿದ್ದಾರೆ. ಬಘೀರ ಸಿನಿಮಾದಲ್ಲಿ ಶ್ರೀಮುರಳಿಗೆ ನಾಯಕಿಯಾಗಿ ರುಕ್ಮಿಣಿ ವಸಂತ್ ನಟಿಸಿದ್ದಾರೆ. ಜೊತೆಗೆ ಪ್ರಕಾಶ್ ರಾಜ್, ಅಚ್ಚುತ್ ಕುಮಾರ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿದ್ದಾರೆ.
ಇದನ್ನೂ ಓದಿ : ಕಣ್ಣೀರು ಒರೆಸುವವನೇ ಜನನಾಯಕ, ಕಣ್ಣೀರು ಸುರಿಸೋನಲ್ಲ – ನಿಖಿಲ್ ಕಣ್ಣೀರಿಗೆ ಡಿ.ಕೆ ಸುರೇಶ್ ಲೇವಡಿ..!
