ವಿಶ್ವದ ವಿವಿಧ ಭಾಗಗಳಲ್ಲಿ ವಿವಿಧ ರೀತಿಯ ಸಂಪ್ರದಾಯ ಮತ್ತು ಪದ್ಧತಿಗಳಿವೆ. ಕೆಲವೊಂದು ಸಾಮಾನ್ಯ ಎನಿಸಿದರೆ, ಕೆಲವು ಆಚರಣೆಗಳು ಎಲ್ಲರನ್ನೂ ಅಚ್ಚರಿಗೆ ದೂಡುತ್ತದೆ. ಅಂಥದ್ದೇ ಆಚರಣೆಯನ್ನು ಇಂಡೋನೇಷ್ಯಾದಲ್ಲಿ ವಾಸಿಸುವ ‘ ಡಾನಿ ‘ ಬುಡಕಟ್ಟು ಸಮುದಾಯವೊಂದು ಬಹಳ ಹಿಂದಿನಿಂದಲೂ ಆಚರಿಸಿಕೊಂಡು ಬರುತ್ತಿದೆ.
ವಾಸ್ತವವಾಗಿ, ಇಂಡೋನೇಷ್ಯಾದಲ್ಲಿ ವಾಸಿಸುವ ‘ ಡಾನಿ ‘ ಬುಡಕಟ್ಟಿನಲ್ಲಿ, ಕುಟುಂಬದ ಯಾರಾದರೂ ಸತ್ತರೆ, ಆ ಕುಟುಂಬದ ಮಹಿಳೆ ತನ್ನ ಬೆರಳನ್ನು ಕತ್ತರಿಸಬೇಕಂತೆ. ಕುಟುಂಬದ ಒಂದೊಂದೇ ಸದಸ್ಯರು ಸತ್ತಂತೆ ಮಹಿಳೆ ತನ್ನ ಒಂದೊಂದೇ ಬೆರಳನ್ನು ಕಳೆದುಕೊಳ್ಳಬೇಕಾಗುತ್ತದೆ.
ಈ ಸಂಪ್ರದಾಯವು ವಿಚಿತ್ರವೆನಿಸಬಹುದು ಆದರೆ ಇಂಡೋನೇಷ್ಯಾದ ವಿಶೇಷ ಬುಡಕಟ್ಟು ಇನ್ನೂ ಈ ಸಂಪ್ರದಾಯವನ್ನು ಅನುಸರಿಸುತ್ತದೆ. ಈ ಸಂಪ್ರದಾಯದ ಪ್ರಕಾರ, ಮಹಿಳೆಯ ಬೆರಳನ್ನು ಮೊದಲು ಹಗ್ಗದಿಂದ ಕಟ್ಟಲಾಗುತ್ತದೆ. ಇದರಿಂದಾಗಿ ಬೆರಳಿನ ರಕ್ತ ಪರಿಚಲನೆ ನಿಲ್ಲುತ್ತದೆ. ನಂತರ ಬೆರಳನ್ನು ಕೊಡಲಿಯಿಂದ ಕತ್ತರಿಸಲಾಗುತ್ತದೆ. ಇದರಿಂದ ಆಗುವ ನೋವನ್ನು ಕುಟುಂಬದವರ ಸಾವಿನ ನೋವಿಗಿಂತ ಕಡಿಮೆ ಎಂದು ಪರಿಗಣಿಸಿ ಇಂದಿಗೂ ಈ ಸಂಪ್ರದಾಯವನ್ನು ಅನುಸರಿಸಲಾಗುತ್ತಿದೆ.
ಇಂಡೋನೇಷ್ಯಾದ ಡ್ಯಾನಿ ಬುಡಕಟ್ಟಿನವರಲ್ಲಿ ಬೆರಳು ಕತ್ತರಿಸುವ ಸಂಪ್ರದಾಯವು ನೋವಿನ ಮತ್ತು ಅಮಾನವೀಯ ಆಚರಣೆಯಾಗಿದೆ. ಇತ್ತೀಚಿನ ವರ್ಷಗಳಲ್ಲಿ, ಇಂಡೋನೇಷ್ಯಾ ಸರ್ಕಾರ ಮತ್ತು ಮಾನವ ಹಕ್ಕುಗಳ ಸಂಸ್ಥೆಗಳು ಈ ಸಂಪ್ರದಾಯವನ್ನು ಕೊನೆಗೊಳಿಸಲು ಹಲವಾರು ಪ್ರಯತ್ನಗಳನ್ನು ಮಾಡಿದೆ. ಆದರೆ ಈ ಸಂಪ್ರದಾಯ ಕಾನೂನುಬಾಹಿರವೆಂದು ಘೋಷಿಸಿದರು ಇಂಡೋನೇಷ್ಯಾದ ವಿಶೇಷ ಬುಡಕಟ್ಟು ಈ ಸಂಪ್ರದಾಯವನ್ನು ಅನುಸರಿಸುತ್ತದೆ.
ಇದನ್ನೂ ಓದಿ : ಚಲಿಸುತ್ತಿದ್ದ ರೈಲಿನಲ್ಲೇ ಹಠಾತ್ ಹೃದಯಾಘಾತ – ದೇವರಂತೆ ಬಂದು ಪ್ರಯಾಣಿಕನ ಪ್ರಾಣ ಉಳಿಸಿದ TTE..!
