ರಾಕಿಂಗ್ ಯಶ್ ಅವರು ‘ಕೆಜಿಎಫ್ 2’ ರಿಲೀಸ್ ವೇಳೆ ನೀಡಿದ ಇಂಟರ್ವ್ಯೂವ್ ವಿಡಿಯೋ ಒಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಒಬ್ಬ ಹೀರೋ ಸಿನಿಮಾ ರಂಗದಲ್ಲಿ ದೊಡ್ಡ ಸಕ್ಸಸ್ ಪಡೆದರೆ ಅವರನ್ನು ನೆಟ್ಟಿಗರು ಅನೇಕ ಬೇರೆ ಬೇರೆ ಹೀರೋಗಳಿಗೆ ಕಂಪೆರ್ ಮಾಡುತ್ತಾರೆ. ಇದನ್ನು ಕೆಲವರು ಹೊಗಳಿಕೆ ಎಂದು ಪರಿಗಣಿಸುತ್ತಾರೆ. ಇನ್ನೂ ಕೆಲವರು ಇದನ್ನು ಒಪ್ಪುವುದಿಲ್ಲ.
ಈ ಮೊದಲು ರಾಕಿಂಗ್ ಸ್ಟಾರ್ ಯಶ್ ಅವರನ್ನು ಟಾಲಿವುಡ್ ಸ್ಟಾರ್ ಪ್ರಭಾಸ್ಗೆ ಕಂಪೆರ್ ಮಾಡಲಾಗಿತ್ತು. ಆದರೆ, ಯಶ್ ಅವರು ಇದನ್ನು ಒಪ್ಪಿರಲಿಲ್ಲ. ಅವರು ನೇರ ಮಾತುಗಳಲ್ಲಿ ಇದಕ್ಕೆ ಉತ್ತರ ಕೊಟ್ಟಿದ್ದರು. ಹೌದು, ‘ಕೆಜಿಎಫ್ 2’ ರಿಲೀಸ್ ವೇಳೆ ಯಶ್ ಅವರು ಅನೇಕ ಮಾಧ್ಯಮಗಳಿಗೆ ಇಂಟರ್ವ್ಯೂವ್ ನೀಡುತ್ತಾ ಇದ್ದರು. ಯಶ್ ಅವರು ಹಿಂದಿ ಮಾಧ್ಯಮಗಳಿಗೂ ಇಂಟರ್ವ್ಯೂವ್ ನೀಡಿದ್ದರು. ಆಗ ಸಂದರ್ಶಕ ಅಭಿಮಾನಿಯ ಕಮೆಂಟ್ ಒಂದನ್ನು ಓದಿ ಹೇಳಿದ್ದ. ಯಶ್ ಅವರು ಇದನ್ನು ಪ್ರೀತಿಯಿಂದ ಸ್ವೀಕರಿಸಿದ್ದರು. ಜೊತೆಗೆ ತಮ್ಮನ್ನು ಬೇರೆಯವರಿಗೆ ಹೋಲಿಕೆ ಮಾಡದಂತೆ ಪರೋಕ್ಷವಾಗಿ ಹೇಳಿದ್ದರು.
ಅಭಿಮಾನಿಯೋರ್ವ ‘ಯಶ್ ಬಾಲಿವುಡ್‌ನ ಮುಂದಿನ ಪ್ರಭಾಸ್. ಅವರ ಹೆಸರು ಸಾಕಷ್ಟು ಜನಪ್ರಿಯತೆ ಪಡೆಯಲಿದೆ. ಈ ಕಮೆಂಟ್ನ ಸೇವ್ ಮಾಡಿಟ್ಟುಕೊಳ್ಳಿ’ ಎಂದು ಕಮೆಂಟ್ ಮಾಡಿದ್ದ. ಇದನ್ನು ಸಂದರ್ಶಕ ಯಶ್ ಮುಂದೆ ಓದಿ ಹೇಳಿದ್ದ. ಇದಕ್ಕೆ ಯಶ್ ಉತ್ತರಿಸಿ ‘ನಾನು ಯಶ್ ಮಾತ್ರ. ಪ್ರಭಾಸ್ ಕೂಡ ಒಳ್ಳೆಯ ಕಲಾವಿದ. ಎಲ್ಲರಿಗೂ ಅವರವರ ಚಾರ್ಮ್ ಇರುತ್ತದೆ. ಇದನ್ನು ಕಾಂಪ್ಲಿಮೆಂಟ್ ಆಗಿ ತೆಗೆದುಕೊಳ್ಳುತ್ತೇನೆ. ಪ್ರಭಾಸ್ ಅವರು ಸಾಕಷ್ಟು ಅಚಿವ್ ಮಾಡಿದ್ದಾರೆ. ಆರಂಭದಿಂದಲೂ ನಾನು ಕಂಪೆರ್ ಇಷ್ಟಪಡಲ್ಲ. ಅದನ್ನು ಮಾಡಬಾರದು’ ಎಂದು ಯಶ್ ನೇರವಾಗಿ ಹೇಳಿದ್ದರು.
ಅಂದು ಅಭಿಮಾನಿ ಹೇಳಿದ ಮಾತು ನಿಜವಾಗಿದೆ ಎನ್ನಬಹುದು. ಯಶ್ ಹೆಸರು ಎಲ್ಲ ಕಡೆಗಳಲ್ಲಿ ಇದೀಗ ಜನಪ್ರಿಯತೆ ಪಡೆದಿದೆ. ಬಾಲಿವುಡ್ ನಿರ್ಮಾಪಕರು ಯಶ್ ಅವರ ಬಾಗಿಲನ್ನು ತಟ್ಟುತ್ತಿದ್ದಾರೆ. ಅದೇ ರೀತಿ ಯಶ್ ಅವರು ಬಾಲಿವುಡ್ಗೆ ಕಾಲಿಡುತ್ತಿದ್ದಾರೆ. ಹಿಂದಿಯ ‘ರಾಮಾಯಣ’ ಸಿನಿಮಾದಲ್ಲಿ ರಾವಣನ ಪಾತ್ರ ಮಾಡುತ್ತಿದ್ದಾರೆ. ಈ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಸಾಕಷ್ಟು ನಿರೀಕ್ಷೆ ಹುಟ್ಟಿಕೊಂಡಿದೆ. ನ್ಯಾಷನಲ್ ಸ್ಟಾರ್ ಯಶ್ ಸದ್ಯಕ್ಕೆ ಟಾಕ್ಸಿಕ್‌ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಕೆಜಿಎಫ್ 2 ನಂತರ ಅವರ ಹೊಸ ಸಿನಿಮಾ ಅಪ್‌ಡೇಟ್‌ಗಾಗಿ ಕಾಯುತ್ತಿದ್ದ ಅಭಿಮಾನಿಗಳು ಈಗ ಟಾಕ್ಸಿಕ್‌ ಚಿತ್ರದ ಅಪ್‌ಡೇಟ್‌ಗಳಿಗಾಗಿ ಕಾಯುತ್ತಿದ್ದಾರೆ.
ಇದನ್ನೂ ಓದಿ : ಮಾಜಿ ಮಂತ್ರಿ ಮುನಿರತ್ನ ವಿರುದ್ಧ ಬಿತ್ತು ಡಬಲ್ FIR – ಯಾವುದೇ ಕ್ಷಣದಲ್ಲಿ ಬಿಜೆಪಿ MLA ಮುನಿರತ್ನ ಅರೆಸ್ಟ್?
