ತುಮಕೂರಲ್ಲಿ ಜಮೀನು ವಿವಾದ – ದಾಯಾದಿಗಳ ನಡುವೆಯೇ ಮಾರಾಮಾರಿ..!

ತುಮಕೂರು : ಜಮೀನು ವಿವಾದ ಹಿನ್ನೆಲೆಯಲ್ಲಿ ದಾಯಾದಿಗಳ ನಡುವೆಯೇ ಮಾರಾಮಾರಿ ನಡೆದಿದೆ. ಗುಬ್ಬಿ ತಾಲೂಕಿನ ಕೆ.ರಾಮ್ ಪುರ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಕೆ.ರಾಮ್ ಪುರ ಗ್ರಾಮದ ಗುರಬಸಪ್ಪ ಹಾಗೂ ಶಿವಸ್ವಾಮಿ ಎಂಬುವರ ಮೇಲೆ ದೊಣ್ಣೆಗಳಿಂದ ಮನಬಂದಂತೆ ಹಲ್ಲೆ ಮಾಡಲಾಗಿದೆ.

ದಾಯಾದಿಗಳಾದ ಉಷಾರಾಣಿ, ಮೃತ್ಯುಂಜಯಸ್ವಾಮಿ, ಮನೋಜ್ ಹಾಗೂ ಚಂದ್ರಶೇಖರಯ್ಯ ಎಂಬುವವರು ಮಾರಣಾಂತಿಕ ಹಲ್ಲೆ ನಡೆಸಿದ್ದಾರೆ. ಜಮೀನು ವಿಚಾರವಾಗಿ ಪರಸ್ಪರ ಜಗಳ ನಡೆಯುತ್ತಿತ್ತು.

ಜಮೀನಿನಲ್ಲಿ ಟ್ರಾಕ್ಟರ್ ಹೋಗಿದ್ದನ್ನ ಗುರಬಸಪ್ಪ, ಶಿವಸ್ವಾಮಿ ಕೇಳಿದ್ದಕ್ಕೆ ಅವರ ಮೇಲೆ ಕೈಗೆ ಸಿಕ್ಕ ದೊಣ್ಣೆಗಳಿಂದ ಹಿಗ್ಗಾಮುಗ್ಗಾ ಹಲ್ಲೆ ಮಾಡಿದ್ದಾರೆ. ಇನ್ನು ಉಷಾರಾಣಿ ಕೆಪಿಟಿಸಿಎಲ್ ನಲ್ಲಿ ಜೂನಿಯರ್ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದು ಈ ಸಂಬಂಧ ಗುಬ್ಬಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ : ಗೆದ್ದು ಬೀಗಿದ ‘ಖೇಲ್ ಖೇಲ್ ಮೇ’ ಚಿತ್ರ – ಮೊದಲ ದಿನವೇ 5.23 ಕೋಟಿ ಕಲೆಕ್ಷನ್..!