ಬೆಂಗಳೂರು : ಕಳೆದ ತಿಂಗಳ 26ರಂದು ರೌಡಿಶೀಟರ್ ಅಜಿತ್ ಎಂಬಾತನನ್ನು ಹಾಡಹಾಗಲೇ ಮಾರಕಾಸ್ತ್ರಗಳಿಂದ ಬರ್ಬರವಾಗಿ ಹತ್ಯೆಗೈದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದೀಗ ಆರು ಆರೋಪಿಗಳನ್ನು ಶೇಷಾದ್ರಿಪುರ ಪೊಲೀಸರು ಬಂಧಿಸಿದ್ದಾರೆ.
ಈ ಹಿಂದೆ ಗಣೇಶ್ ಹಾಗೂ ಅಜಿತ್ ಮಧ್ಯೆ ಗಲಾಟೆಯಾಗಿತ್ತು. ಇದೇ ದ್ವೇಷದ ಮೇರೆಗೆ ಅಜಿತ್, ಗಣೇಶನನ್ನು ಕೊಲೆ ಮಾಡಿದ್ದ. ಈ ಸಂಬಂಧ ಜೈಲಿಗೆ ಹೋಗಿ ಬಳಿಕ ಜಾಮೀನು ಪಡೆದು ಅಜಿತ್ ಜೈಲಿಂದ ಬಿಡುಗಡೆಯಾಗಿದ್ದ.
ಗಣೇಶ್ನನ್ನು ಕೊಲೆಗೈದಿರುವ ಅಜಿತ್‌ನನ್ನು ಹತ್ಯೆಗೈದು ರಿವೇಂಜ್ ತೀರಿಸಿಕೊಳ್ಳಲು ಗಣೇಶ್ ಕುಟುಂಬ ಹೊಂಚು ಹಾಕಿ ಕಾದು ಕುಳಿತ್ತಿತ್ತು. ಅದರಂತೆ ಕಳೆದ ತಿಂಗಳ 26ರಂದು ಅಜಿತ್ ಬೈಕ್ನಲ್ಲಿ ಹೋಗ್ತಿದ್ದಾಗ ಮತ್ತೊಂದು ಬೈಕ್ನಿಂದ ಡಿಕ್ಕಿ ಹೊಡೆಸಿ ನಂತರ ಮಾರಕಾಸ್ತ್ರಗಳಿಂದ ಅಜಿತ್‌ನನ್ನು ಕೊಚ್ಚಿ ಕೊಲೆ ಮಾಡಲಾಗಿತ್ತು.
ಈ ಕೊಲೆ ಪ್ರಕರಣ ಬೆನ್ನತ್ತಿದ ಪೊಲೀಸರು ಇದೀಗ ಇಬ್ಬರು ಮಹಿಳೆಯರು ಸೇರಿ ಆರು ಆರೋಪಿಗಳನ್ನು ಬಂಧಿಸಿದ್ದಾರೆ. ಗಣೇಶ್ ಅಕ್ಕ ದುರ್ಗಾದೇವಿ, ಪತ್ನಿ ಕೃಪಾ , ಶಿಷ್ಯ ಅಜಯ್ @ಮುಳ್ಳಂದಿ ನರಸಿಂಹ, ಪ್ರಕಾಶ್ ಹಾಗೂ ಅರುಣ್ ಬಂಧಿತರು.
ಇದನ್ನೂ ಓದಿ : ಬೆಳಗಾವಿಯ ಟೇಪ್ ತಯಾರಿಕಾ ಕಾರ್ಖಾನೆಯಲ್ಲಿ ಭಾರೀ ಅಗ್ನಿ ದುರಂತ – ಹಲವರಿಗೆ ಗಂಭೀರ ಗಾಯ..!
