ಬೆಂಗಳೂರು : ರೇಣುಕಾಸ್ವಾಮಿ ಕೊಲೆ ಕೇಸ್ನಲ್ಲಿ ನಟ ದರ್ಶನ್ ಪರಪ್ಪನ ಅಗ್ರಹಾರದಲ್ಲಿದ್ದಾರೆ. ಇತ್ತ ವಿಕೃತವಾಗಿ ವರ್ತಿಸುತ್ತಿರುವ ದರ್ಶನ್ ಅಭಿಮಾನಿಗಳಿಗೆ ಪೊಲೀಸರು ಲಾಠಿ ರುಚಿ ತೋರಿಸಿದ್ದಾರೆ. ಬಿಗ್ ಬಾಸ್ ಖ್ಯಾತಿಯ ಪ್ರಥಮ್ಗೆ ಧಮ್ಕಿ ಹಾಕಿ, ಕೆಟ್ಟದಾಗಿ ಟ್ರೋಲ್ ಮಾಡ್ತಿದ್ದ ದರ್ಶನ್ ಫ್ಯಾನ್ಸ್ಗೆ ಪೊಲೀಸರು ತಕ್ಕ ಪಾಠ ಕಲಿಸಿದ್ದಾರೆ. ಸಿಂಧೂಧರ್ ಎಂಬ ವ್ಯಕ್ತಿ ಪ್ರಥಮ್ರನ್ನು ಶೆಡ್ಗೆ ಕೂಡ ಕರೆದಿದ್ದ.
ಈ ಬಗ್ಗೆ ಪ್ರಥಮ್ ಜುಲೈ 3ರಂದು ಜ್ಞಾನಭಾರತಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಹಾಗಾಗಿ ಸಿಂಧೂದರ್ ಎಂಬಾತನನ್ನು ಜ್ಞಾನಭಾರತಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಲಾಠಿ ರುಚಿ ತಿಂದ ಮೇಲೆ ದರ್ಶನ್ ಫ್ಯಾನ್ ಸಿಂಧೂದರ್ ಪಾಠ ಕಲಿತಿದ್ದು, ವಿಡಿಯೋ ಮೂಲಕ ಸಿಂಧೂದರ್ ಪ್ರಥಮ್ಗೆ ಕ್ಷಮೆ ಕೇಳಿದ್ದಾರೆ.
ಅನುಚಿತ ಪೋಸ್ಟ್ ಹಾಕದಂತೆ ದರ್ಶನ್ ಫ್ಯಾನ್ಸ್ಗೆ ಪ್ರಥಮ್ ಸಾಕಷ್ಟು ಬಾರಿ ಮನವಿ ಮಾಡಿದ್ರೂ ವಿಕೃತ ಟೀಕೆ ಮುಂದುವರೆಸಿದ್ದರು. ದರ್ಶನ್ ಅಭಿಮಾನಿಗಳ ಕೆಟ್ಟ ವರ್ತನೆಗೆ ಬೇಸತ್ತು ಪ್ರಥಮ್ ಪೊಲೀಸರ ಮೊರೆ ಹೋಗಿದ್ದರು. ಕಾನೂನು ಮೊರೆ ಹೋಗಿ ದರ್ಶನ್ ಫ್ಯಾನ್ಸ್ ವಿರುದ್ಧ ಪ್ರಥಮ್ ಸಮರ ಸಾರಿದ್ದರು. ಇದೀಗ ಪೊಲೀಸರು ದರ್ಶನ್ನ ಮತ್ತಷ್ಟು ಫ್ಯಾನ್ಸ್ಗಳನ್ನು ಹುಡುಕಿ ಲಾಠಿ ರುಚಿ ತೋರಿಸ್ತಿದ್ದಾರೆ.
ಇದನ್ನೂ ಓದಿ : ವಾಲ್ಮೀಕಿ ಹಗರಣ ಸಿಬಿಐ ತನಿಖೆಗೆ ಬಿಜೆಪಿ ಪಟ್ಟು – ಬಿ.ವೈ ವಿಜಯೇಂದ್ರ ನೇತೃತ್ವದಲ್ಲಿ ಬೃಹತ್ ಪ್ರೊಟೆಸ್ಟ್..!
