ಬೆಂಗಳೂರು : ನಾಳೆ ಬಕ್ರೀದ್ ಸಂಭ್ರಮಾಚರಣೆ ಹಿನ್ನೆಲೆ ಬೆಂಗಳೂರಲ್ಲಿ ಕುರಿ, ಮೇಕೆ ಭರ್ಜರಿಯಾಗಿ ವ್ಯಾಪಾರ ನಡೆಯುತ್ತಿದೆ. ಪ್ರತಿವರ್ಷದಂತೆ ಈ ಬಾರಿಯೂ ಬಗೆ ಬಗೆಯ ತಳಿಗಳ ಕುರಿಗಳು ಮಾರ್ಕೆಟ್ಗೆ ಬಂದಿವೆ.
ನಗರದ ಅತಿ ದೊಡ್ಡ ಕುರಿ ಮಾರುಕಟ್ಟೆಯಾಗಿರುವ ಈದ್ಗಾ ಮೈದಾನದಲ್ಲಿ ಈಗಲೇ ಭರ್ಜರಿ ವ್ಯಾಪಾರ ಶುರುವಾಗಿದ್ದು, ಚಾಮರಾಜಪೇಟೆ, ಟ್ಯಾನರಿ ರೋಡ್, ಆರ್ ಟಿನಗರ ಸೇರಿದಂತೆ ನಗರದ ಕೆಲವು ಭಾಗದಲ್ಲಿ ಭರ್ಜರಿಯಾಗಿ ಕುರಿ ವ್ಯಾಪಾರ ನಡೆಯುತ್ತಿದೆ. ಈ ಬಾರಿಯೂ ನಾಟಿ ಕುರಿ, ಬನ್ನೂರು, ಮೋಟಾ ಬನ್ನೂರು, ಕಿರಗಲ್ ಕುರಿ ಹಾಗೂ ಟಗರುಗಳಿಗೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಿದೆ.
15 ಸಾವಿರದಿಂದ 1 ಲಕ್ಷದ ವರೆಗೆ ವಿವಿಧ ತಳಿಯ ಕುರಿಗಳನ್ನು ಬಜಾರ್ ನಲ್ಲಿ ಮಾರಾಟ ಮಾಡಲಾಗುತ್ತಿದೆ. ಈ ಬಾರಿ ಬೆಂಗಳೂರಿಗೆ ಪಕ್ಕದ ರಾಮನಗರ, ತುಮಕೂರು, ಶಿರಾ, ಚಿತ್ರದುರ್ಗ, ಕೋಲಾರ, ಮೈಸೂರು ಭಾಗಗಳಿಂದ ಅತಿ ಹೆಚ್ಚು ಕುರಿಗಳನ್ನು ರೈತರು ಮಾರಾಟಕ್ಕಿಟ್ಟಿದ್ದಾರೆ. ಕೋವಿಡ್ ಬಳಿಕ ಹೈನುಗಾರಿಕೆ ವಹಿವಾಟು ಕುಗ್ಗಿತ್ತು, ಆದರೆ ಈ ಬಾರಿಯ ಬಕ್ರೀದ್ಗೆ ಹಿಗ್ಗಬಹುದು ಅನ್ನೊ ನಿರೀಕ್ಷೆಯಲ್ಲಿದ್ದಾರೆ ರೈತರು.
ಕುರಿ ಬಜಾರ್ ರೇಟ್ :
- ನಾಟಿ ಕುರಿ – 30 ರಿಂದ 40 ಸಾವಿರ (ಜೋಡಿ)
- ಬನ್ನೂರು -70 ರಿಂದ 95 ಸಾವಿರ (ಜೋಡಿ)
- ಬನ್ನೂರು ಮೋಟಾ -95 ಸಾವಿರದಿಂದ 1.20 ಲಕ್ಷ (ಜೋಡಿ)
- ಕಿರಗಲ್ ಕುರಿ – 40 ರಿಂದ 60 ಸಾವಿರ (ಜೋಡಿ)
- ಟಗರು – 60 ರಿಂದ 90 ಸಾವಿರ (ಜೋಡಿ)
- ಮೇಕೆ – 10 ರಿಂದ 30 ಸಾವಿರ (ಜೋಡಿ)
ಇದನ್ನೂ ಓದಿ : ಅಪ್ಪನ ಮೃತ ದೇಹ ಕಂಡು ಬಿಕ್ಕಿ ಬಿಕ್ಕಿ ಕಣ್ಣೀರಿಟ್ಟ ರೇಣುಕಾಸ್ವಾಮಿ ಕೊ*ಲೆ ಕೇಸ್ ಆರೋಪಿ ಅನು..!