ಹಾವೇರಿ : ಹಾವೇರಿಯಲ್ಲಿ ಮೂವರು ಯುವಕರು ಸೇರಿ ಯುವತಿಯನ್ನ ಹತ್ಯೆ ಮಾಡಿರುವ ಆರೋಪ ಕೇಳಿ ಬಂದಿದೆ. ರಟ್ಟಿಹಳ್ಳಿ ತಾಲೂಕಿನ ಮಾಸೂರು ಗ್ರಾಮದ 23 ವರ್ಷದ ಯುವತಿ ಸ್ವಾತಿ ಹತ್ಯೆಯಾದ ಯುವತಿ.
ಸ್ವಾತಿ ಮತ್ತು ನಯಾಜ್ ಇಬ್ಬರು ಪ್ರೀತಿಸುತ್ತಿದ್ರು, ಕೆಲ ದಿನಗಳಿಂದ ನಯಾಜ್ ಸ್ವಾತಿ ಪ್ರೀತಿಗೆ ನಿರಾಕರಿಸಿದ್ದ. ಹೀಗಾಗಿ ನಯಾಜ್ ಬಳಿ ಲವ್ ಕಾಂಪ್ರಮೈಸ್ಗೆಂದು ಗೆಳಯರಾದ ವಿನಯ್, ದುರ್ಗಾಚಾರಿ ಕಾರಲ್ಲಿ ಸ್ವಾತಿಯನ್ನ ಕರೆದುಕೊಂಡು ಹೋಗಿ, ನಯಾಜ್ ನಿಂದ ದೂರ ಆಗುವಂತೆ ಹೇಳಿದ್ದಾರೆ. ಆದ್ರೆ ಆ ಯುವತಿ ಒಪ್ಪದಿದ್ದಾಗ ಮೂವರು ಸೇರಿ ಸ್ವಾತಿಯ ದುಪ್ಪಟ್ಟ ಕೊರಳಿಗೆ ಹಾಕಿ ಹತ್ಯೆ ಮಾಡಿದ್ದಾರೆ. ನಂತರ ತುಂಗಭದ್ರಾ ನದಿಗೆ ಹೆಣ ಬಿಸಾಕಿ ಎಸ್ಕೇಪ್ ಆಗಿದ್ದಾರೆ.
ಮಾರ್ಚ್ 2ರಂದು ಯುವತಿಯ ಬರ್ಬರ ಕೊಲೆಯಾಗಿದೆ. ಆದ್ರೆ ಪೊಲೀಸರಿಗೆ, ಮಾರ್ಚ್ 6ರಂದು ಹರಿಹರ ಮತ್ತು ಹೊಳೆಸಿರಿಗೇರಿ ಮಧ್ಯದಲ್ಲಿ ಶವ ಪತ್ತೆಯಾಗಿದೆ. ಅಪರಿಚಿತ ಶವ ಎಂದು ಪ್ರಕರಣ ದಾಖಲಿಸಿಕೊಂಡು ಪೊಲೀಸರೆ ಅಂತ್ಯ ಸಂಸ್ಕಾರ ಮಾಡಿದ್ದಾರೆ. ಇದೀಗ ಕೊಲೆ ಆರೋಪಿ ನಯಾಜ್ ನನ್ನ ಪೊಲೀಸರು ಅರೆಸ್ಟ್ ಮಾಡಿದ್ದು, ಸದ್ಯ ತನಿಖೆಯಲ್ಲಿ ಸ್ವಾತಿ ಹತ್ಯೆಯ ಮತ್ತಷ್ಟು ಸತ್ಯ ಬಯಲಾಗ ಬೇಕಿದೆ.
