ವಕ್ಫ್​​ ಹೋರಾಟ ಬಿಜೆಪಿಯ ರಾಜಕೀಯ ನಾಟಕ – ಸಿಎಂ ಸಿದ್ದರಾಮಯ್ಯ ವಾಗ್ದಾಳಿ..!

ಹಾಸನ : ಉಪಚುನಾವಣೆಯಲ್ಲಿ ಮೂರು ಕ್ಷೇತ್ರಗಳಲ್ಲಿ ಸೋಲುಂಡಿರುವ ಬಿಜೆಪಿಯವರು ‘ವಕ್ಫ್ ಹೋರಾಟ’ ಎಂಬ ರಾಜಕೀಯ ನಾಟಕ ಪ್ರಾರಂಭಿಸಿದ್ದಾರೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ವಾಗ್ದಾಳಿ ನಡೆಸಿದ್ದಾರೆ.

ಬಿಜೆಪಿಯವರ ವಕ್ಫ್ ಹೋರಾಟ ಎರಡನೇ ದಿನಕ್ಕೆ ಕಾಲಿಟ್ಟಿರುವ ಬಗ್ಗೆ ಹಾಸನದಲ್ಲಿ ಪ್ರತಿಕ್ರಿಯಿಸಿದ ಸಿಎಂ ಸಿದ್ದರಾಮಯ್ಯನವರು, ನೋಟಿಸ್​ ಕೊಟ್ಟವರೂ ಅವರೇ.. ಹೋರಾಟ ಮಾಡೋರೂ ಅವರೇ. ಬಿಜೆಪಿ ಕೇಂದ್ರ ಮ್ಯಾನಿಫೆಸ್ಟೋದಲ್ಲಿ ಏನ್​ ಹೇಳಿದ್ರು? ವಕ್ಫ್​​​ ಭೂಮಿ ವಿಚಾರದಲ್ಲಿ ಬಿಜೆಪಿ ನಿಲುವೇನು? ವಕ್ಫ್​​ ವಿಚಾರದಲ್ಲಿ ಬಿಜೆಪಿಯದ್ದು ಇಬ್ಬಗೆ ನೀತಿ ಎಂದು ಗುಡುಗಿದ್ದಾರೆ.

ಇನ್ನು ಬೈ ಎಲೆಕ್ಷನ್​​ನಲ್ಲಿ ಮೂರಕ್ಕೆ ಮೂರು ಸೋತಿದ್ದಾರೆ. ಶಿಗ್ಗಾಂವಿ 25 ವರ್ಷದ ನಂತ್ರ ಕಾಂಗ್ರೆಸ್​ ಪಾಲಾಗಿದೆ. ಚನ್ನಪಟ್ಟಣವನ್ನೂ ನಾವೇ ಕಿತ್ತುಕೊಂಡಿದ್ದೇವೆ. ರಾಜಕೀಯವಾಗಿ ಹೋರಾಡಲು ಇಶ್ಯೂ ಇಲ್ಲ. ಹೀಗಾಗಿ ವಕ್ಫ್​​ ವಿಚಾರ ಮುಂದಿಟ್ಟುಕೊಂಡಿದ್ದಾರೆ. ಬಿಜೆಪಿಗೆ ಸೂಕ್ತ ಉತ್ತರ ಕೊಡ್ತೀವಿ ಎಂದ ಸಿಎಂ ಸಿದ್ದು ತಿಳಿಸಿದ್ದಾರೆ.

ಇದನ್ನೂ ಓದಿ : ಹಾಡಿನಲ್ಲೇ ಮೋಡಿ ಮಾಡಿದ ‘ಕೋರ’ – ಸುನಾಮಿ ಕಿಟ್ಟಿ ನಟನೆಯ ಚಿತ್ರ ಶೀಘ್ರದಲ್ಲೇ ತೆರೆಗೆ..!