ಚಿಕ್ಕಬಳ್ಳಾಪುರ : ನೀರಿನ ಹೊಂಡದಲ್ಲಿ ಮುಳುಗಿ ಮೂವರು ದಾರುಣವಾಗಿ ಸಾವನ್ನಪ್ಪಿರುವ ಘಟನೆ ಚಿಕ್ಕಬಳ್ಳಾಪುರ ತಾಲೂಕಿನ ಕಮ್ಮತನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಓರ್ವ ಯುವತಿ ಇಬ್ಬರು ಯುವಕರು ನೀರು ಪಾಲಾದ ದುರಂತಕ್ಕೆ ಈ ಗ್ರಾಮ ಸಾಕ್ಷಿಯಾಗಿದೆ.
ಮೃತರನ್ನು 27 ವರ್ಷದ ರಂಜಿತ್, 21 ವರ್ಷದ ಅಭಿಲಾಷ್ ಹಾಗೂ 24 ವರ್ಷದ ರಮ್ಯ ಎಂದು ಗುರುತಿಸಲಾಗಿದೆ. ದೀಪಾವಳಿ ವೇಳೆ ಹಬ್ಬಕ್ಕೆ ಊರಿಗೆ ಅಂತ ಬಂದಿದ್ದ ಯುವತಿ ಯುವಕರು ಈಜಲು ಹೋಗಿದ್ದರು.
ಈ ವೇಳೆ ಈಜು ಬಾರದ ರಮ್ಯಾ ನೀರಲ್ಲಿ ಏಕಾಏಕಿ ಮುಳುಗಿದ್ದಳು. ಅದನ್ನು ಕಂಡು ಆಕೆಯನ್ನು ರಕ್ಷಿಸಿಲು ಅಭಿಲಾಷ್ ನೀರಿಗೆ ಧುಮುಕಿದ್ದ, ಆ ಬಳಿಕ ರಮ್ಯಾ, ಅಭಿಲಾಷ್ರನ್ನ ರಕ್ಷಿಸಲು ಹೋದ ರಂಜಿತ್ ಕೂಡ ನೀರುಪಾಲಾಗಿದ್ದಾನೆ. ಪೆರೇಸಂದ್ರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಇದನ್ನೂ ಓದಿ : ದರ್ಶನ್ಗೆ ಟೆಸ್ಟ್ ಮೇಲೆ ಟೆಸ್ಟ್.. ಇಂದೇ ವೈದ್ಯರ ಕೈ ಸೇರಲಿದೆ ದಾಸನ ಹೆಲ್ತ್ ರಿಪೋರ್ಟ್..!
