ಬೆಂಗಳೂರು : ಸಿದ್ದರಾಮಯ್ಯನವ್ರೇ ನಿಮ್ಮ ವಿರುದ್ಧ 61 ಕೇಸ್ ಇವೆ, ಈ ಕೇಸ್ಗಳನ್ನು ಮುಚ್ಚಿಹಾಕಲೆಂದೇ ಲೋಕಾಯುಕ್ತ ರದ್ದು ಮಾಡಿದ್ರಿ. ACB ರಚನೆ ಮಾಡೋ ಮೂಲಕ ಬಿ ರಿಪೋರ್ಟ್ ಹಾಕಿಸಿದ್ರಿ, ಈಗ ನಾನು ಕಳಂಕ ರಹಿತ ಅಂತಾ ಮಾತಾಡ್ತಿದ್ದೀರಾ..? ಎಂದು ಸಿಎಂ ಸಿದ್ದರಾಮಯ್ಯ ವಿರುದ್ಧ ಕೇಂದ್ರ ಸಚಿವ ಹೆಚ್ಡಿ ಕುಮಾರಸ್ವಾಮಿ ವಾಗ್ದಾಳಿ ನಡೆಸಿದ್ದಾರೆ.
ಈ ಬಗ್ಗೆ ಬೆಂಗಳೂರಿನಲ್ಲಿ ಹೆಚ್ಡಿ ಕುಮಾರಸ್ವಾಮಿ ಮಾತನಾಡಿ, ನೀವು ಏನೇನ್ ಮಾಡಿದ್ದೀರಾ ಅನ್ನೋದು ನನಗೂ ಗೊತ್ತು, ಬೇಲೇಕೇರಿ ವಿಚಾರದಲ್ಲಿ ಏನಾಯ್ತು ನನ್ನ ಬಳಿ ದಾಖಲೆ ಇವೆ. ಸಮಯ ಬಂದಾಗ ಎಲ್ಲವನ್ನೂ ಬಹಿರಂಗ ಮಾಡುವೆ ಎಂದು ಕಿಡಿ ಕಾರಿದ್ದಾರೆ.
ಇದೇ ವೇಳೆ ಸಿದ್ದು ಕೊಪ್ಪಳದ ಹೇಳಿಕೆಗೆ ಹೆಚ್ಡಿಕೆ ತಿರುಗೇಟು ನೀಡಿದ್ದಾರೆ. ನೂರು ಸಿದ್ದರಾಮಯ್ಯ ಬಂದ್ರೂ ನನ್ನ ಅರೆಸ್ಟ್ ಮಾಡೋಕಾಗಲ್ಲ, ಅವರ ಕೈನಿಂದ ನನ್ನನ್ನು ಬಂಧಿಸೋದು ಸಾಧ್ಯವಿಲ್ಲ ಎಂದಿದ್ದಾರೆ.
ಇದನ್ನೂ ಓದಿ : ರಾಜ್ಯದಲ್ಲಿ ಗವರ್ನರ್ ವಿರುದ್ಧ ಪ್ರತಿಭಟನೆ – ಭದ್ರತೆಗಾಗಿ ಬುಲೆಟ್ ಫ್ರೂಫ್ ಕಾರು ತರಿಸಿಕೊಂಡ ರಾಜ್ಯಪಾಲರು..!
