ಕಾಂಗ್ರೆಸ್​ ಸರ್ಕಾರ ಕಿತ್ತೆಸೆಯಲು ಪಾದಯಾತ್ರೆ – ಹೆಚ್​ಡಿಕೆ ಕಿಡಿ..!

ಬೆಂಗಳೂರು : ಕಾಂಗ್ರೆಸ್ ಅಧಿಕಾರಕ್ಕೆ ಬಂದಾಗಿನಿಂದ ಬರೀ ಭ್ರಷ್ಟಾಚಾರ ನಡೆದಿದೆ. ಕಾಂಗ್ರೆಸ್​ ಸರ್ಕಾರ ಕಿತ್ತೆಸಲು ಪಾದಯಾತ್ರೆ ಮಾಡುತ್ತಿದ್ದೇವೆ ಎಂದು ಕೇಂದ್ರ ಸಚಿವ ಹೆಚ್.ಡಿ ಕುಮಾರಸ್ವಾಮಿ ಪಾದಯಾತ್ರೆ ವೇಳೆ ಕಿಡಿಕಾರಿದ್ದಾರೆ.

ಮುಡಾ ಹಗರಣದ ವಿರುದ್ದ ಇಂದಿನಿಂದ ಬೆಂಗಳೂರಿನಿಂದ ಮೈಸೂರಿಗೆ ಬಿಜೆಪಿ ಜೆಡಿಎಸ್ ಜಂಟಿ ಪಾದಯಾತ್ರೆ ಹಮ್ಮಿಕೊಂಡಿದ್ದು ಈ ಕುರಿತು ಮಾತನಾಡಿದ ಕೇಂದ್ರ ಸಚಿವ ಹೆಚ್.ಡಿ ಕುಮಾರಸ್ವಾಮಿ ಅವರು, ಬಿಡದಿ ಚನ್ನಪಟ್ಟಣದಲ್ಲೇ ಕಾಂಗ್ರೆಸ್​ ನಾಯಕರು ಪ್ರಶ್ನೆ ಮಾಡಲಿ. ನನ್ನ ಆಸ್ತಿ ಬಗ್ಗೆ ಡಿಕೆಶಿ ಪ್ರಶ್ನಿಸಿದ್ದಾರೆ ಅದಕ್ಕೂ ಉತ್ತರ ಕೊಡ್ತೇನೆ.ಅವ್ರ ಆಸ್ತಿ ಬಗ್ಗೆಯೇ ಅವರ ಗುರುಗಳು ಸೋಶಿಯಲ್ ಮೀಡಿಯಾದಲ್ಲಿ ಹೇಳಿದ್ದಾರೆ ಎಂದಿದ್ದಾರೆ.

ಸಿಎಂ ಅವ್ರೇ ಎಷ್ಟು ಸೈಟ್​ ಬೇಕಾದ್ರೂ ತಗೊಳಿ ನ್ಯಾಯುತವಾಗಿ ತಗೊಳಿ. ಸರ್ಕಾರ ಜಮೀನು ನಿಮ್ಮ ಬಾಮೈದನಿಗೆ ರಿಜಿಸ್ಟರ್ ಮಾಡಿಕೊಟ್ರಿ. ಮುಡಾದ ಅಕ್ರಮ ನಿಮ್ಮ ಗಮನಕ್ಕೆ ಬರಲಿಲ್ವಾ?
ಬಿಎಸ್‌ವೈ ಜೊತೆಗಿನ ಸರ್ಕಾರ ಮುಂದುವರೆದ್ರೆ ಕಾಂಗ್ರೆಸ್​ ಇರ್ತಿಲಿಲ್ಲ. ಕುಮಾರಸ್ವಾಮಿನ ಸಿಎಂ ಮಾಡಿದ್ದು ನಾವು ಅಂತೀರಾ? ನಾನು ಅರ್ಜಿ ಹಾಕಿದ್ನಾ? ನಮ್ಮ ಮನೆ ಬಾಗಿಲಿಗೆ ಬಂದು, ಬೇಡ ಅಂದ್ರು ಅಧಿಕಾರ ಕೊಟ್ರಿ. ಆ ನಂತ್ರ ಯಾವ ರೀತಿ ನಡೆಸಿಕೊಂಡ್ರಿ ಪರಮೇಶ್ವರ್ ಅವರೇ ಎಂದು ಗುಡುಗಿದ್ದಾರೆ.

ಇನ್ನು  ದೇವೇಗೌಡರಿಗೆ ಅಧಿಕಾರ ಕೊಟ್ಟಿದ್ದು15 ಪಕ್ಷಗಳು, ಇಳಿಸಿದ್ದು ನೀವು. ಕಾಂಗ್ರೆಸ್ ಇನ್ನು 10 ವರ್ಷ ಇರುತ್ತೆ ಅಂತ ಡಿಕೆಶಿ ಹೇಳಿದ್ದಾರೆ. ಆದರೆ ರಾಜ್ಯದಲ್ಲಿ ಕಾಂಗ್ರೆಸ್​ ಪಕ್ಷ ಇನ್ನು 10 ತಿಂಗಳು ಮುಂದುವರೆಯಲ್ಲ ಎಂದು ಕೇಂದ್ರ ಸಚಿವ ಹೆಚ್.ಡಿ ಕುಮಾರಸ್ವಾಮಿ ತಿಳಿಸಿದ್ದಾರೆ.

ಇದನ್ನೂ ಓದಿ : ಪಿಎಸ್​ಐ ಪರಶುರಾಮ್ ಸಾವಿನ​​ ಕೇಸ್​​ ತನಿಖೆಗೆ ಗೃಹ ಸಚಿವ ಪರಮೇಶ್ವರ್ ಆದೇಶ..!