ನೆಲಮಂಗಲ : ಭೀಕರ ಅಪಘಾತದಲ್ಲಿ ವೃದ್ಧನೋರ್ವ ಸಾವನ್ನಪ್ಪಿದ ಘಟನೆ ನೆಲಮಂಗಲ ತಾಲೂಕಿನ ಡಾಬಸ್ಪೇಟೆಯಲ್ಲಿ ಜರುಗಿದೆ. ರಸ್ತೆಯಲ್ಲಿ ನರಳಾಡಿ ನರಳಾಡಿ ವೃದ್ಧ ವ್ಯಕ್ತಿ ಪ್ರಾಣಬಿಟ್ಟಿದ್ದಾರೆ. ಮೃತ ವೃದ್ಧನನ್ನು ಕೆಂಪರಂಗಯ್ಯ (75) ಆಗಳಕುಪ್ಪೆ ನಿವಾಸಿ ಎಂದು ಗುರುತಿಸಲಾಗಿದೆ.
ರಸ್ತೆಯಲ್ಲಿ ನಡೆದು ಬರುತ್ತಿದ್ದ ವೃದ್ದನ ಮೇಲೆ ಏಕಾಏಕಿ ಕಂಟೇನರ್ ಲಾರಿ ಹರಿದಿದ್ದು, ಲಾರಿಯ ಹಿಂಬದಿಯ ಚಕ್ರಕ್ಕೆ ಸಿಲುಕಿ ಕೆಂಪರಂಗಯ್ಯ ಸಾವನ್ನಪ್ಪಿದ್ದಾರೆ. ಮೈ ಜುಂ ಎನ್ನಿಸುವ ದೃಶ್ಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಕಂಟೇನರ್ ಲಾರಿ ತುಮಕೂರು ಕಡೆಯಿಂದ ದೊಡ್ಡಬಳ್ಳಾಪುರ ಮಾರ್ಗದಲ್ಲಿ ತೆರಳುತ್ತಿದ್ದ ವೇಳೆ ಅಪಘಾತ ಸಂಭವಿಸಿದೆ. ಘಟನೆ ಸಂಬಂಧ ಲಾರಿ ಹಾಗೂ ಚಾಲಕನನ್ನು ಡಾಬಸ್ಪೇಟೆ ಪೋಲಿಸರ ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ : EV ಶೋರೂಂ ಬೆಂಕಿ ಅವಘಡ ಪ್ರಕರಣ – ಶೋರೂಂ ಮಾಲೀಕ ಪುನೀತ್ ಗೌಡ, ಮ್ಯಾನೇಜರ್ ವಿರುದ್ಧ FIR ದಾಖಲು..!
