ನಾಗಮಂಗಲ ಗಲಭೆಯಲ್ಲಿ ಇನ್ಸ್​ಪೆಕ್ಟರ್​​​ ನಿರ್ಲಕ್ಷ್ಯ ಕಾಣುತ್ತಿದೆ – ಸಚಿವ ಡಾ.ಜಿ ಪರಮೇಶ್ವರ್..!

ಬೆಂಗಳೂರು : ನಾಗಮಂಗಲ ಗಲಭೆಯಲ್ಲಿ ಇನ್ಸ್​ಪೆಕ್ಟರ್​​​ ನಿರ್ಲಕ್ಷ್ಯ ಕಾಣುತ್ತಿದೆ, ಹೀಗಾಗಿ ಇನ್ಸ್​ಪೆಕ್ಟರ್​​ ಸಸ್ಪೆಂಡ್​ ಮಾಡಲಾಗಿದೆ. ಗಣೇಶನ ಮೆರವಣಿಗೆಗೆ ಕೊಟ್ಟಿದ್ದ ರೂಟ್ ಚೇಂಜ್​ ಮಾಡಲಾಗಿದೆ,
ಆದರೂ ಇನ್ಸ್​ಪೆಕ್ಟರ್​ ಯಾವುದೇ ಮುಂಜಾಗ್ರತೆ ವಹಿಸಿಲ್ಲ ಎಂದು ಸಚಿವ ಡಾ.ಜಿ.ಪರಮೇಶ್ವರ್​ ಹೇಳಿದ್ದಾರೆ.

ಈ ಬಗ್ಗೆ ಬೆಂಗಳೂರಿನಲ್ಲಿ ಗೃಹ ಸಚಿವ ಡಾ.ಜಿ.ಪರಮೇಶ್ವರ್​ ಮಾತನಾಡಿ, ಕಾನೂನು ಸುವ್ಯವಸ್ಥೆ ADGP ಸೇರಿ ಎಲ್ಲರೂ ಸೂಚನೆ ನೀಡಿದ್ರು. ತನಿಖೆ ಮಾಡಿ ವರದಿ ಕೊಡುವಂತೆ ಹಿರಿಯ ಅಧಿಕಾರಿಗಳಿಗೆ ಹೇಳಿದ್ದೇನೆ, ಕಾನೂನಿನ ಚೌಕಟ್ಟಿನಲ್ಲಿ ಕಟ್ಟುನಿಟ್ಟಿನ ಕ್ರಮ ತಗೆದುಕೊಳ್ತೇವೆ. ನನಗೆ ಬಿಜೆಪಿ ನಾಯಕರಿಂದ ಸರ್ಟಿಫಿಕೇಟ್​ ಬೇಕಿಲ್ಲ, ಆಕಸ್ಮಿಕ ಮಂತ್ರಿ‌ ಎಂದಿದ್ದ ಬಿಜೆಪಿ ನಾಯಕರಿಗೆ ತಿರುಗೇಟು ಕೊಟ್ಟಿದ್ದಾರೆ.

ನಾನು ಜವಬ್ದಾರಿ ಇಲ್ಲದೇ ಈ ಸ್ಥಾನದಲ್ಲಿ ‌ಕೂತಿಲ್ಲ, ಈ ಘಟನೆಯನ್ನು ನಾವು ಸಮರ್ಥನೆ ಮಾಡ್ಕೋತಿಲ್ಲ. ಈಗಾಗಲೇ ಯಾರ್ಯಾರು ಭಾಗಿಯಾಗಿದ್ದಾರೋ ಅವ್ರನ್ನು ಬಂಧಿಸಿದ್ದೇವೆ, ರಾಜಕೀಯ ಮಾಡಬೇಡಿ ಅಂತಾ ಮನವಿ ಮಾಡಿದ್ರೂ, ಮಾಡ್ತಾರೆ, ಮಾನದಂಡ ನೋಡಿ ಪರಿಹಾರದ ಬಗ್ಗೆ ನಿರ್ಧರಿಸುತ್ತೇವೆ ಎಂದು ಪರಮೇಶ್ವರ್​​ ಹೇಳಿದ್ದಾರೆ.

ಇದನ್ನೂ ಓದಿ : ಬೆಂಗಳೂರಲ್ಲಿ ಕಬಾಬ್​​​​ ಸೆಂಟರ್​ ಎಡವಟ್ಟು – ಕ್ಷಣಾರ್ಧದಲ್ಲಿ ಆಟೋ, ಬೈಕ್ ಸುಟ್ಟು ಕರಕಲು..!