ಉಡುಪಿ : ನಗರದ ಪ್ರಸಿದ್ಧ ಹರ್ಷ ಶೋ ರೂಂನ ಕ್ಲಸ್ಟರ್ ಮ್ಯಾನೇಜರ್ಗೆ ಸೆಕ್ಯುರಿಟಿ ಗಾರ್ಡ್ ಚೂರಿಯಿಂದ ಇರಿದು ಕೊಲೆಗೆ ಯತ್ನಸಿರುವ ಘಟನೆ ಆಗಸ್ಟ್ 10ರಂದು ಸಂಜೆ 7:30 ವೇಳೆಗೆ ನಡೆದಿದೆ. ಈ ಬಗ್ಗೆ ಹಲ್ಲೆಗೆ ಒಳಗಾದ ಕ್ಲಸ್ಟರ್ ಮ್ಯಾನೇಜರ್ ರೋನ್ಸನ್ ಎವರೆಸ್ಟ್(36) ಸಂತೆಕಟ್ಟೆ ಪೊಲೀಸರಿಗೆ ದೂರು ನೀಡಿದ್ದಾರೆ.
ಹರ್ಷ ಶೋರೂಂನಲ್ಲಿ ಪ್ರಸಾದ್ ಎಂಬಾತ ಸೆಕ್ಯುರಿಟಿಯಾಗಿ ಕೆಲಸ ಮಾಡುತ್ತಿದ್ದ. ಕೆಲಸದಲ್ಲಿ ಅಶಿಸ್ತು ತೋರಿದ್ದಕ್ಕಾಗಿ ಪ್ರಸಾದ್ಗೆ ವಾರ್ನಿಂಗ್ ನೀಡಲಾಗಿತ್ತು. ಇನ್ನು ಕೆಲಸದಿಂದ ತೆಗೆಯದಂತೆ ರೋನ್ಸನ್ ಬಳಿ ಪ್ರಸಾದ್ ಕೇಳಿಕೊಂಡಿದ್ದ ಎನ್ನಲಾಗಿದೆ.
ಮರುದಿನ ಮೀಟಿಂಗ್ನಲ್ಲಿ ಅಧಿಕಾರಿಗಳೊಂದಿಗೆ ಚರ್ಚಿಸಿ ಈ ಬಗ್ಗೆ ತಿಳಿಸುತ್ತೇನೆ ಎಂದು ರೋನ್ಸನ್ ಪ್ರಸಾದ್ಗೆ ಹೇಳಿದ್ದರು. ಈ ವೇಳೆ ರೋನ್ಸನ್ ಮಾತಿಗೆ ಪ್ರಸಾದ ಸಿಟ್ಟುಗೊಂಡು ಅವಾಚ್ಯ ಶಬ್ದಗಳಿಂದ ಬೈದಿದ್ದ.
ಅಲ್ಲದೆ ಆ ಬಳಿಕ ರೋನ್ಸನ್ ರವರು ಸಂಜೆ ವೇಳೆ ಹೋಗುತ್ತಿದ್ದಾಗ ಕಟ್ಟಡದ ಗೌಂಡ್ ಫ್ಲೋರ್ನಲ್ಲಿ ಪ್ರಸಾದ್ ಕಾದು ಕುಳಿತಿದ್ದ. ರೋನ್ಸನ್ ತೆರಳುತ್ತಿದ್ದಂತೆ ಹಿಂಬದಿಯಿಂದ ಚೂರಿಯಲ್ಲಿ ಇರಿಯಲು ಮುಂದಾಗಿದ್ದಾನೆ. ಪ್ರಾಣಾಪಯ ಅರಿತು ರೋನ್ಸನ್ ಸ್ಥಳದಿಂದ ಓಡಿದ್ದಾರೆ. ಈ ವೇಳೆ ಪ್ರಸಾದ್, ರೋನ್ಸನ್ನ್ನು ಬೆನ್ನಟ್ಟಿ ಹೋಗಿ ಕೊಲೆಗೆ ಯತ್ನಿಸಿದ್ದಾನೆ. ರೋನ್ಸನ್ ಕೊಲೆಗೆ ಸೆಕ್ಯುರಿಟಿ ಪ್ರಸಾದ್ ಯತ್ನಿಸಿದ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಎಲ್ಲೆಡೆ ವೈರಲ್ ಆಗಿದೆ. ಘಟನೆ ಸಂಬಧ ಉಡುಪಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ : ಹೇಮಾವತಿ ನಾಲೆ ಕಳಪೆ ಕಾಮಗಾರಿ ವಿರುದ್ಧ ರೊಚ್ಚಿಗೆದ್ದ ರೈತರು – AE ಕಚೇರಿ ಮುಂದೆ ಧರಣಿ..!
