ದೆಹಲಿ : ಕರ್ನಾಟಕದಲ್ಲಿ ನಡೆದ ಉಪ ಚುನಾವಣೆಯಲ್ಲಿ 3 ಕ್ಷೇತ್ರಗಳನ್ನು ಕಾಂಗ್ರೆಸ್ ಕ್ಲೀನ್ಸ್ವೀಪ್ ಮಾಡಿತ್ತು. ಭರ್ಜರಿ ಗೆಲುವು ದೊರೆಯುತ್ತಿದ್ದಂತೆಯೇ ರಾಜ್ಯ ಸಂಪುಟ ಪುನರ್ ರಚನೆಯ ಸುದ್ದಿ ಮುನ್ನೆಲೆಗೆ ಬಂದಿತ್ತು. ಜೊತೆಗೆ ಕೆಪಿಸಿಸಿ ಅಧ್ಯಕ್ಷರ ಬದಲಾವಣೆ ಆಗುತ್ತದೆ ಎಂಬ ವದಂತಿಗಳೂ ಹರಿದಾಡಿದ್ದವು. ಇದೀಗ ಸಚಿವ ಸಂಪುಟ ಪುನರ್ ರಚನೆಗೆ ಹೈಕಮಾಂಡ್ ಗ್ರೀನ್ ಸಿಗ್ನಲ್ ಕೊಟ್ಟಿದೆ.
ಸಚಿವ ಸಂಪುಟ ಪುನರ್ ರಚನೆಗೆ ಗ್ರೀನ್ ಸಿಗ್ನಲ್ ಕೊಟ್ಟ ಹೈಕಮಾಂಡ್, ಬಿ.ಕೆ ಹರಿಪ್ರಸಾದ್, ನಾಗೇಂದ್ರ ಸೇರ್ಪಡೆಗೆ ಅಸ್ತು ಅಂದಿದೆ ಎಂದು ಹೇಳಲಾಗುತ್ತಿದೆ. ಐವರನ್ನ ಕೈಬಿಡಲು ಹೈಕಮಾಂಡ್ ಸೂಚಿಸಿದೆ ಎಂಬುದು ತಿಳಿದು ಬಂದಿದೆ.
ಕಳಪೆ ಪ್ರದರ್ಶನ ಮಾಡಿರೋ ಸಚಿವರಿಗೆ ಕೊಕ್ ಕೊಡಲು ನಿರ್ಧಾರ ಮಾಡಿರುವ ಹೈಕಮಾಂಡ್, ಸರ್ಕಾರದ ಪರ ಸದಾ ನಿಲ್ಲುವ ಬಿ.ಕೆ ಹರಿಪ್ರಸಾದ್, ವಾಲ್ಮೀಕಿ ಹಗರಣದಲ್ಲಿ ರಾಜೀನಾಮೆ ಕೊಟ್ಟಿದ್ದ ನಾಗೇಂದ್ರ ಸೇರ್ಪಡೆಗೆ ಅಷ್ಟೇ ಅನುಮತಿ ಎನ್ನಲಾಗುತ್ತಿದೆ. ಇನ್ನು ಬೆಳಗಾವಿ ಅಧಿವೇಶನ ಬಳಿಕ ಸಂಪುಟ ಪುನರ್ ರಚನೆ ಮಾಡಲಾಗುತ್ತದೆ.
ಇದನ್ನೂ ಓದಿ : ಪ್ರಧಾನಿ ಮೋದಿ ಭೇಟಿಯಾದ ಸಿದ್ದರಾಮಯ್ಯ – ಪ್ರಮುಖ ಯೋಜನೆಗಳ ಅನುಮೋದನೆಗೆ ಮನವಿ..!
