ಬೆಂಗಳೂರು : ಗಣಿ ಕಂಪನಿಯಲ್ಲಿ ಪಾಲುದಾರಿಕೆ ಕೊಡಿಸೋದಾಗಿ ನಂಬಿಸಿ ವಂಚಿಸಿದ ಆರೋಪದ ಮೇಲೆ ರಾಜ್ಯ ಬಿಜೆಪಿ ST ಘಟಕದ ಉಪಾಧ್ಯಕ್ಷ ಆರ್.ಅನಿಲ್ಕುಮಾರ್ ವಿರುದ್ದ FIR ದಾಖಲಾಗಿದೆ.
2023ರಲ್ಲಿ ಚಳ್ಳಕೆರೆ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿದ್ದ ಅನಿಲ್ಕುಮಾರ್, ಉದ್ಯಮಿ ಜಿ. ಶ್ರೀನಿವಾಸ ಮಿತ್ರ ಎಂಬವರ ಬಳಿ 6.40ಕೋಟಿ ಹಣ ಪಡೆದು ವಂಚನೆ ಮಾಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ. ಈ ಸಂಬಧ ಇದೀಗ ಅನಿಲ್ಕುಮಾರ್ ಸೇರಿದಂತೆ ಉದ್ಯಮಿಗಳಾದ ಶ್ರೀನಿವಾಸರೆಡ್ಡಿ, ಡಿ.ಆರ್.ಇಂದಿರಾ, ಬಸವರಾಜು, ಶಶಿ ಎಂಬುವವರ ವಿರುದ್ದ CCB ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
2023ರಲ್ಲಿ ಉದ್ಯಮಿ ಶ್ರೀನಿವಾಸ್ಗೆ ಬಸವರಾಜು, ಶಶಿ ಮೂಲಕ ಅನಿಲ್ಕುಮಾರ್ ಪರಿಚಯವಾಗಿದ್ದರು. ತದನಂತರ ಹೊಳಲ್ಕೆರೆ ತಾಲೂಕಿನ 210 ಎಕರೆ ಪ್ರದೇಶದಲ್ಲಿರುವ ವಿಟು ಎ ಐರನ್ ಮೈನಿಂಗ್ ಲಿಮಿಟೆಡ್ನಲ್ಲಿ ಹೂಡಿಕೆ ಮಾಡಿ ಎಂದು ಅನಿಲ್ಕುಮಾರ್ ಉದ್ಯಮಿ ಶ್ರೀನಿವಾಸ್ಗೆ ಪ್ರಚೋದಿಸಿದ್ದರು. 10 ಕೋಟಿ ಹೂಡಿಕೆ ಮಾಡಿದ್ರೆ ಶೇ.25ರಷ್ಟು ಮಾಲೀಕತ್ವ ಲಾಭದ ಆಮಿಷವೊಡ್ಡಿದ್ದರು.
ಅನಿಲ್ಕುಮಾರ್ ಮಾತನ್ನ ನಂಬಿ ಹಂತ ಹಂತವಾಗಿ ಉದ್ಯಮಿ ಶ್ರೀನಿವಾಸ್ ಮಿತ್ರ ಹಣ ಹೂಡಿದ್ದರು. 60ಲಕ್ಷ ನಗದು ರೂಪದಲ್ಲಿಯೂ ಹಣ ನೀಡಿದ್ದರು. ಆದಾದ ಬಳಿಕ ಅನಿಲ್ ಟೀಂ ಉದ್ಯಮಿಗೆ ಮೈನಿಂಗ್ ಲೈಸೆನ್ಸ್ ನಂಬರ್ ನೀಡಿದ್ದರು. ಆದ್ರೆ ಅವರು ನೀಡಿದ ಸ್ಥಳದಲ್ಲಿ ಗಣಿಗಾರಿಕೆ ನಿಂತು ವರ್ಷಗಳೇ ಕಳೆದು ಹೋಗಿತ್ತು ಎಂಬ ವಿಚಾರ ಬೆಳಕಿಗೆ ಬಂದಿತ್ತು. ವಿಷ್ಯ ಗೊತ್ತಾಗಿ ಹಣ ವಾಪಸ್ ನೀಡುವಂತೆ ಉದ್ಯಮಿ ಕೇಳಿದ್ದರು. ಈ ವೇಳೆ ಪ್ರಭಾವ ಬಳಸಿ ಸುಳ್ಳು ಕೇಸ್ ಹಾಕಿಸೋದಾಗಿ ಅನಿಲ್ಕುಮಾರ್ ಟೀಂ ಬೆದರಿಸಿದ್ದಾರೆಂದು ಉದ್ಯಮಿ ಶ್ರೀನಿವಾಸ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. ಸದ್ಯ ದೂರು ದಾಖಲಿಸಿಕೊಂಡು CCB ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
ಇದನ್ನೂ ಓದಿ : ಬೆಂಗಳೂರಿಗೆ ರಾಜ್ಯ ಸರ್ಕಾರದಿಂದ ಮತ್ತೊಂದು ಗಿಫ್ಟ್ - ‘ಕಾವೇರಿ 5ನೇ ಹಂತ’ದ ಕುಡಿಯುವ ನೀರಿನ ಯೋಜನೆ ಲೋಕಾರ್ಪಣೆ..!
