ದೇವನಹಳ್ಳಿ : ದೇವನಹಳ್ಳಿ ತಾಲೂಕು ಬೂದಿಗೆರೆ ಸಮೀಪದ ಹಿತ್ತರಹಳ್ಳಿ ಕೆರೆ ನೀರು ಮುಳುಗಡೆ ಜಮೀನು ಒತ್ತುವರಿ ಮಾಡಿದ್ದ ರಿಯಲ್ ಎಸ್ಟೇಟ್ ಕಿಂಗ್ಪಿನ್ ಭಾಸ್ಕರ್ ರೆಡ್ಡಿ & ಗ್ಯಾಂಗ್ ವಿರುದ್ದ ಇದೀಗ ದೇವನಹಳ್ಳಿ ತಾಲೂಕು ಆಡಳಿತ ಕ್ರಮ ಕೈಗೊಂಡಿದೆ.
ಬಿಟಿವಿ ವರದಿಯ ಬೆನ್ನಲ್ಲೇ ಎಚ್ಚೆತ್ತುಕೊಂಡ ದೇವನಹಳ್ಳಿ ತಹಶೀಲ್ದಾರ್ ಬಾಲಕೃಷ್ಣ ಅವರು, ರಾತ್ರೋರಾತ್ರಿ ಕೆರೆ ನೀರು ಮುಳುಗಡೆ ಪ್ರದೇಶ ಒತ್ತುವರಿ ಮಾಡಿದ್ದವರ ವಿರುದ್ಧ ಕ್ರಮ ಜರುಗಿಸಿದ್ದಾರೆ. ಇಂದು ಬೆಳ್ಳಂಬೆಳಗ್ಗೆ ಭಾಸ್ಕರ್ ರೆಡ್ಡಿ & ಗ್ಯಾಂಗ್ ಒತ್ತುವರಿ ಮಾಡಿ ನಿರ್ಮಿಸಿದ್ದ ಶೆಡ್ ಹಾಗೂ ತೆಂಗಿನ ಮರಗಳನ್ನು ಜಿಸಿಬಿಗಳ ಮೂಲಕ ತೆರವು ಮಾಡಿಸಿದ್ದಾರೆ.
ಭಾಸ್ಕರ್ ರೆಡ್ಡಿ & ಗ್ಯಾಂಗ್ ಸುಮಾರು ಎರಡು ಎಕರೆ ಜಮೀನನ್ನು ಒತ್ತುವರಿ ಮಾಡಿದ್ದಲ್ಲದೇ, ಇದನ್ನು ಕೇಳಲು ಬಂದ ರೈತರ ಮೇಲೆ ಹಲ್ಲೆಗೆ ಯತ್ನಿಸಿತ್ತು. ಈ ಕುರಿತು ಬಿಟಿವಿ ನ್ಯೂಸ್ ಸಮಗ್ರ ವರದಿ ಮಾಡಿತ್ತು.
ಆ ಬಳಿಕ ಎಚ್ಚೆತ್ತುಕೊಂಡ ದೇವನಹಳ್ಳಿ ತಾಲ್ಲೂಕು ಆಡಳಿತ, ಒತ್ತುವರಿದಾರರ ವಿರುದ್ಧ ಕಂದಾಯ ಇಲಾಖೆಯಿಂದ ಎಫ್ಐಆರ್ ದಾಖಲಿಸಿತ್ತು. ಹಾಗೆಯೇ ಇಂದು ಬೆಳ್ಳಂಬೆಳಗ್ಗೆ ದೇವನಹಳ್ಳಿ ತಹಶೀಲ್ದಾರ್ ಬಾಲಕೃಷ್ಣ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಿ ಭಾಸ್ಕರ್ ರೆಡ್ಡಿ ಗ್ಯಾಂಗ್ ನಿರ್ಮಿಸಿದ್ದ ಶೆಡ್ನ್ನು ತೆರವು ಮಾಡಿಸಿದ್ದಾರೆ.
ಇದನ್ನೂ ಓದಿ : ಜಾತಿ ನಿಂದನೆ ಕೇಸ್ : ಬಿಜೆಪಿ ಶಾಸಕ ಮುನಿರತ್ನ ಧ್ವನಿ ಎಂದು FSL ವರದಿಯಲ್ಲಿ ಧೃಡ..!
