ರಾಮನಗರ : ಅತ್ತೆಗೆ ಸೊಸೆ ದನ ಬಡಿದಂತೆ ಬಡಿಯುತ್ತಿವುದನ್ನು ಮಗ ವಿಡಿಯೋ ಮಾಡಿರುವ ಘಟನೆ ರಾಮನಗರದಲ್ಲಿ ನಡೆದಿದೆ. ಅಪ್ಪನ ಸುದ್ದಿಗೆ ಯಾಕ್ ಬಂದೆ ಎಂದು ಸೊಸೆ ದೊಣ್ಣೆಯಿಂದ ಹೊಡೆದು, ಅತ್ತೆಯನ್ನ ಮನೆ ಬಿಟ್ಟು ಹೋಗುವಂತೆ ಹೇಳಿದ್ದಾಳೆ.
ಚನ್ನಪಟ್ಟಣದ ಮರಳಿ ಅಬ್ಬೂರುದೊಡ್ಡಿಯ ರವೀಂದ್ರ ಪತ್ನಿ ಸಂಜನಾ ಎಂಬಾಕೆ 60 ವರ್ಷದ ಶಾಂತಮ್ಮಗೆ ಥಳಿಸಿದ್ದಾಳೆ. ಮೊಮ್ಮಗನ ಎದುರೇ ಅಜ್ಜಿಗೆ ಹೊಡೆಯುತ್ತಿರುವ ದೃಶ್ಯ ಕಂಡು
ಮಗು ಕಿರುಚಿಕೊಂಡಿದೆ. ಈ ವೇಳೆ ಅಪ್ಪ ಮಗುವನ್ನು ಆಚೆಗೆ ಕರೆತಂದಿದ್ದಾನೆ. ಮಗ-ಸೊಸೆ ಗಲಾಟೆ ಮಾಡಿ ಅತ್ತೆಯನ್ನು ಹೊರಗಟ್ಟಿದ್ದು, ಶಾಂತಮ್ಮ ತವರು ಮನೆಗೆ ಹೋಗಿ ಮತ್ತೆ ವಾಪಸ್ ಬಂದಿದ್ದಾರೆ.
ಈ ವೇಳೆ ವಾಪಸ್ ಬಂದಿದ್ಯಾಕೆ ಎಂದು ಸೊಸೆ ಸಂಜನಾ ಥಳಿಸಿದ್ದು, ತಾಯಿ ಕಿರುಚಾಡಿದ್ರೂ ಗಲಾಟೆ ಬಿಡಿಸದೆ ಪಾಪಿ ಮಗ ವಿಡಿಯೋ ಮಾಡಿದ್ದಾನೆ. ತವರಿಗೆ ಕರೆದೊಯ್ಯುವಂತೆ ಸೋದರಮಾವನಿಗೆ ಬೆದರಿಸಲು ವಿಡಿಯೋ ರೆಕಾರ್ಡ್ ಮಾಡಿಕೊಂಡಿದ್ದು, ಈ ರಾಕ್ಷಸ ಕೃತ್ಯದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ವಿಡಿಯೋ ನೋಡಿದ ನೆಟ್ಟಿಗರ ಮಗ-ಸೊಸೆ ವಿರುದ್ಧ ಸುಮೋಟೋ ಕೇಸ್ ಹಾಕುವಂತೆ ಆಗ್ರಹಿಸಿದ್ದಾರೆ.
ಇದನ್ನೂ ಓದಿ : KPSC ಮರು ಪರೀಕ್ಷೆಗೆ ಸಿಎಂ ಸಿದ್ದರಾಮಯ್ಯ ಸೂಚನೆ..!
