ಮೈಸೂರು : ಮುಡಾ ಪ್ರಕರಣದ ವಿವಾದ ಹಿನ್ನೆಲೆಯಲ್ಲಿ ಸಿಎಂ ಸಿದ್ದು ಮುಡಾ ಅಧ್ಯಕ್ಷ ಮರಿಗೌಡಗೆ ರಾಜೀನಾಮೆ ನೀಡಲು ಸೂಚನೆ ಕೊಟ್ಟಿದ್ದು, ಯಾವುದೇ ಕ್ಷಣದಲ್ಲಿ ಮುಡಾ ಅಧ್ಯಕ್ಷ ಮರಿಗೌಡ ರಾಜೀನಾಮೆ ಕೊಡುವ ಸಾಧ್ಯತೆಯಿದೆ.
ಸಿದ್ದರಾಮಯ್ಯ ಸೀಕ್ರೆಟ್ ಮೀಟಿಂಗ್ ನಂತರ ರಾಜೀನಾಮೆ ನೀಡಲು ಕೆ. ಮರಿಗೌಡಗೆ ಸೂಚಿಸಿದ್ದಾರೆ. ನಗರಾಭಿವೃದ್ಧಿ ಸಚಿವ ಭೈರತಿ ಸುರೇಶ್ ಜೊತೆ ಸಿದ್ದರಾಮಯ್ಯ ರಹಸ್ಯ ಸಭೆ ಮಾಡಿದ್ದರು. ಇದೀಗ ಮುಡಾಗೆ ಆಡಳಿತಾಧಿಕಾರಿ ನೇಮಕ ಮಾಡಲು ಸರ್ಕಾರ ಮುಂದಾಗಿದೆ. ಅಧ್ಯಕ್ಷ ಮರಿಗೌಡ ನಾಳೆ ಸಿದ್ದರಾಮಯ್ಯನನ್ನು ಭೇಟಿ ಮಾಡಲಿದ್ದು, ಮುಡಾ ಹಗರಣದಲ್ಲಿ ಮುಡಾ ಅಧ್ಯಕ್ಷ ಮರಿಗೌಡ ತಲೆದಂಡವಾಗುವ ಸಾಧ್ಯತೆಯಿದೆ.
ಈ ಹಿಂದೆ ಮರಿಗೌಡರಿಂದಲೇ ಮುಡಾ ವಿಚಾರ ಹೊರ ಬಂದಿದ್ದು ಎಂದು ಜಿಲ್ಲಾ ನಾಯಕರು ಹೇಳಿದ್ದರು. ಇತ್ತೀಚೆಗೆ ಕಾಂಗ್ರೆಸಿಗರು ಮರಿಗೌಡ ವಿರುದ್ಧ ಪ್ರೊಟೆಸ್ಟ್ ಮಾಡಿ, ಕೂಡಲೇ ಮುಡಾದಿಂದ ಮರಿಗೌಡರನ್ನು ಕಿಕ್ಔಟ್ ಮಾಡುವಂತೆ ಆಗ್ರಹಿಸಿದ್ದರು. ಹಾಗಾಗಿ ಸಿದ್ದರಾಮಯ್ಯ ಮೈಸೂರು ಕಾಂಗ್ರೆಸ್ ನಾಯಕರ ಹಠಕ್ಕೆ ಮಣಿದ್ರಾ..? ಅನ್ನೊ ಪ್ರಶ್ನೆ ಹುಟ್ಟಿಕೊಂಡಿದೆ. ಮೂಲಗಳ ಪ್ರಕಾರ ಹಿರಿಯ ನಾಯಕರ ಸಲಹೆಯಂತೆ ಮರಿಗೌಡ ತಲೆದಂಡವಾಗಲಿದೆ ಎನ್ನಲಾಗಿದೆ. ವೇಣುಗೋಪಾಲ್ ಬೆಂಗಳೂರಿಗೆ ಬರುವ ಮುನ್ನವೇ ಶಿಷ್ಯನಿಗೆ ಗೇಟ್ಪಾಸ್ ಸಿಗಲಿದೆ.
ಇದನ್ನೂ ಓದಿ : ‘ಮಾರ್ಟಿನ್’ ಸಿನಿಮಾ ಚೆನ್ನಾಗಿಲ್ಲ ಎಂದವನಿಗೆ ಆ್ಯಕ್ಷನ್ ಪ್ರಿನ್ಸ್ ಫ್ಯಾನ್ಸ್ಯಿಂದ ಜೀವ ಬೆದರಿಕೆ? ಓಪನ್ ಚಾಲೆಂಜ್ ಹಾಕಿ ತಿರುಗೇಟು..!
