ಹೊಸಕೋಟೆ : ಹೊಸಕೋಟೆ ಪೊಲೀಸ್ ಠಾಣೆಯಲ್ಲಿ ಖದೀಮರ ಗ್ಯಾಂಗ್ ಕಟ್ಟಿಕೊಂಡು ಗಾಂಜಾ ಡೀಲಿಂಗ್ ನಡೆಸ್ತಿದ್ದ ನಟೋರಿಯಸ್ ಹೆಡ್ ಕಾನ್ಸ್ಟೇಬಲ್ ನಾಗರಾಜ್ನ್ನು ಸಸ್ಪೆಂಡ್ ಮಾಡಲಾಗಿದೆ. ಇತ್ತೀಚೆಗೆ ಬಿಟಿವಿ ಈ ನಟೋರಿಯಸ್ ಗ್ಯಾಂಗ್ನ ಇಂಚಿಂಚು ಮಾಹಿತಿಯನ್ನು ಬಿಚ್ಚಿಟ್ಟಿತ್ತು. ಹೆಡ್ ಕಾನ್ಸ್ಟೇಬಲ್ ನಾಗರಾಜನ್ ಗಾಂಜಾ ಡೀಲಿಂಗ್ ಕೇಳಿ ಹೊಸಕೋಟೆ ಜನರೇ ಹೌಹಾರಿದ್ದರು.
ಹೆಡ್ ಕಾನ್ಸ್ಟೇಬಲ್ ನಾಗರಾಜ್ನ ಗಾಂಜಾ ಸೀಕ್ರೆಟ್ನ್ನು ಬಟಾ ಬಯಲು ಮಾಡಿದ್ದ ಬಿಟಿವಿ, ಕಾನೂನು ಕಾಪಾಡೋ ಪೊಲೀಸೇ ಗಾಂಜಾ ಮಾಫಿಯಾ ಮಾಡುತ್ತಿರುವ ಬಗ್ಗೆ ಸಾಕ್ಷಿ ಸಮೇತ ಸುದ್ದಿಯನ್ನು ಬಿತ್ತರಿಸಿತ್ತು. ಈ ಬೆನ್ನಲ್ಲೇ ಹಿರಿಯ ಅಧಿಕಾರಿಗಳು ಅಲರ್ಟ್ ಆಗಿದ್ದು, ಹೊಸಕೋಟೆ DySP ಮಲ್ಲೇಶ್ಗೆ ಪ್ರಕರಣ ಸಂಬಂಧ ವರದಿ ನೀಡುವಂತೆ ಗ್ರಾಮಾಂತರ SP C.K ಬಾಬಾ ಅವರು ತಿಳಿಸಿದ್ದರು. ಇದೀಗ ಹೊಸಕೋಟೆ DySP ಮಲ್ಲೇಶ್ ಅವರು ತನಿಖೆ ನಡೆಸಿ C.K ಬಾಬಾ ಅವರಿಗೆ ಪ್ರಕರಣದ ಸಂಪೂರ್ಣ ವರದಿಯನ್ನು ಸಲ್ಲಿಸಿದ್ದಾರೆ.
ಗ್ರಾಮಾಂತರ SP C.K ಬಾಬಾ ಕೈಗೆ ವರದಿ ಸೇರ್ತಿದ್ದಂತೆ ಹೆಡ್ ಕಾನ್ಸ್ಟೇಬಲ್ ನಾಗರಾಜ್ನ್ನು ಸಸ್ಪೆಂಡ್ ಮಾಡಲಾಗಿದೆ. ಹತ್ತಾರು ವರ್ಷದಿಂದ ಹೊಸಕೋಟೆಯಲ್ಲೇ ಜಾಂಡಾ ಹೊಡೆದಿದ್ದ ನಾಗರಜ್ನ್ನನು ಅಮಾನತು ಮಾಡಿ C.K ಬಾಬಾ ಅವರು ಆದೇಶಿಸಿದ್ದಾರೆ. ಈ ಬಗ್ಗೆ BTVಗೆ ಹಿರಿಯ ಅಧಿಕಾರಿಗಳಿಂದ ಮಾಹಿತಿ ಲಭ್ಯವಾಗಿದೆ.
ಇನ್ನು ಗಾಂಜಾ ಹುಡುಗ್ರನ್ನಿಟ್ಟುಕೊಂಡು ಹೆಡ್ ಕಾನ್ಸ್ಟೇಬಲ್ ನಾಗರಾಜ್ ಕೋಟಿ ಕೋಟಿ ಹಣ ಮಾಡಿದ್ದು, ಹೊಸಕೋಟೆಯ SLV ಹೋಟೆಲ್ ಬಳಿ ಹತ್ತಾರು ಎಕರೆ ಅಕ್ರಮ ಜಾಗ ಹೊಂದಿದ್ದಾನೆ ಎನ್ನಲಾಗಿದೆ. ಬೆಂಗಳೂರಿಗೆ ಸೇಲಾದ ಗಾಂಜಾ ಹಣದಲ್ಲೇ ನಾಗರಾಜ್ ಐಷಾರಾಮಿ ಜೀವನ ನಡೆಸ್ತಿದ್ದ.
ಬೆಂಗಳೂರನ್ನ ನಶೆಯಲ್ಲಿ ತೇಲೋ ಹಾಗೆ ಮಾಡುತ್ತಿದ್ದ ನಾಗರಾಜನಿಗೆ ಇನ್ನು ಯಾಕೆ ಶಿಕ್ಷೆ ಆಗಿಲ್ಲ ಎಂದು ಸಾರ್ವಜನಿಕ ವಲಯದಲ್ಲಿ ಅಕ್ರೋಶ ವ್ಯಕ್ತಪಡಿಸಿದ್ದರುಯ. ಹೋಂ ಮಿನಿಸ್ಟರ್ ಸಾಹೇಬ್ರೆ ಈ ಬಗ್ಗೆ ತನಿಖೆ ನಡೆಸಿ, ಹೆಡ್ ಕಾನ್ಸ್ಟೇಬಲ್ನ ನಾಗರಾಜ್ನ್ನು ಕೂಡಲೇ ವಜಾ ಮಾಡಿಬೇಕೆಂದು ಬಿಟಿವಿ ನಿರಂತರವಾಗಿ ಸುದ್ದಿ ಪ್ರಸಾರ ಮಾಡಿತ್ತು. ಇದೀಗ ಹೆಡ್ ಕಾನ್ಸ್ಟೇಬಲ್ ನಾಗರಾಜ್ ಸಸ್ಪೆಂಡ್ ಆಗಿರುವುದು ಬಿಟಿವಿಯ ನಿರಂತರ ಶ್ರಮಕ್ಕೆ ಸಂದ ದೊಡ್ಡ ಜಯವಾಗಿದೆ.
ಇದನ್ನೂ ಓದಿ : ಟೀಸರ್ನಲ್ಲೇ ಮೋಡಿ ಮಾಡಿದ ‘ಎಲ್ಟು ಮುತ್ತಾ’ ಸಿನಿಮಾ!
