ದೆಹಲಿ : ಐಪಿಎಲ್ ಸೀಸನ್-18ರ 46ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಮುಖಾಮುಖಿಯಾಗಲಿದೆ. ವಿರಾಟ್ ಕೊಹ್ಲಿ ತವರು ಮನೆ ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಇಂದು ನಡೆಯಲಿರುವ ಈ ಪಂದ್ಯಕ್ಕೆ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.
ಇಂದಿನ ಪಂದ್ಯಕ್ಕೆ ಆರ್ಸಿಬಿ ಬಲಿಷ್ಠ ಬಳಗವನ್ನು ಕಣಕ್ಕಿಳಿಸಲಿದೆ. ಏಕೆಂದರೆ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಏಪ್ರಿಲ್ 10ರಂದು ನಡೆದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಜೊತೆಗೆ ಆರ್ಸಿಬಿ ಹೀನಾಯವಾಗಿ ಸೋತಿತ್ತು. ಆರ್ಸಿಬಿಯ 163 ಟಾರ್ಗೆಟ್ ಚೇಸ್ ಮಾಡಿದ್ದ ಡೆಲ್ಲಿ 169 ರನ್ ಗಳಿಸಿ, 6 ವಿಕೆಟ್ಗಳ ಗೆಲುವು ಪಡೆದಿತ್ತು. ತವರಿನ ನೆಲದಲ್ಲಿ ಗೆಲ್ಲಬಹುದಾದ ಪಂದ್ಯ ಆರ್ಸಿಬಿ ಕೈಚೆಲ್ಲಿತ್ತು. ಆದರೆ ಪಂದ್ಯದಲ್ಲಿ ಏಕಾಂಗಿಯಾಗಿ ಹೋರಾಡಿದ್ದ ಕೆ.ಎಲ್ ರಾಹುಲ್ ಡೆಲ್ಲಿ ಪರ ಅದ್ಧೂರಿ ಸೆಲೆಬ್ರೆಷನ್ ಮಾಡಿದ್ದರು.
ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಘರ್ಜಿಸಿದ್ದ ಕನ್ನಡಿಗ ಕೆ.ಎಲ್ ರಾಹುಲ್ ಸೋಲುವ ಮ್ಯಾಚ್ ಅನ್ನು ಆರ್ಸಿಬಿಯಿಂದ ಕಸಿದುಕೊಂಡಿದ್ದರು. ವಿಶೇಷ ಎಂದ್ರೆ ಗೆದ್ದ ತಕ್ಷಣ ಮೈದಾನದಲ್ಲೇ ಬ್ಯಾಟ್ನಿಂದ ಒಂದು ವೃತ್ತ ಕೊರೆದು ಅದರ ನಡುವೆ ಬ್ಯಾಟ್ನಿಂದ ಗುದ್ದಿ ಇದು ನನ್ನ ಹೋಮ್ ಗ್ರೌಂಡ್ ಎಂದು ಕಾಂತಾರ ಸಿನಿಮಾ ಸ್ಟೈಲ್ನಲ್ಲಿ ಕೆ.ಎಲ್ ರಾಹುಲ್ ಸಂಭ್ರಮಿಸಿದ್ದರು.
ಹಾಗಾಗಿ ಇಂದು ನಡೆಯುವ RCB-DC ಪಂದ್ಯ ತುಂಬಾ ರೋಚಕತೆಯಿಂದ ಕೂಡಿರಲಿದೆ. ಡೆಲ್ಲಿ ವಿರುದ್ಧ ಆರ್ಸಿಬಿ ಸೋತಾಗ ಅಭಿಮಾನಿಗಳು ವಿರಾಟ್ ಯಾವುದನ್ನು ಇಟ್ಟುಕೊಳ್ಳಲ್ಲ, ದೆಹಲಿಯಲ್ಲಿ ನಡೆಯೋ ಪಂದ್ಯದಲ್ಲಿ ವಾಪಸ್ ಕೊಡುತ್ತಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದರು. ಇದೀಗ ಆ ಸಮಯ ಬಂದಿದ್ದು, ಏನಾಗುತ್ತೆಂದು ಕಾದುನೋಡಬೇಕು.
ಇದನ್ನೂ ಓದಿ : ‘ಲೋಕಾ’ ಬಲೆಗೆ ಬಿದ್ದಿದ್ದ ಹೊಸದುರ್ಗ ಪುರಸಭೆ ಮುಖ್ಯಾಧಿಕಾರಿ ಹೃದಯಾಘಾತದಿಂದ ಸಾವು!
