ಬೆಂಗಳೂರು : ಕರ್ನಾಟಕ ಮಾಜಿ ಡಿಜಿ ಐಜಿಪಿ ಓಂ ಪ್ರಕಾಶ್ ಅವರನ್ನು ಸ್ವತಃ ಅವರ ಪತ್ನಿ ಪಲ್ಲವಿ ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದಾರೆ. ಬೆಂಗಳೂರಿನ ಹೆಚ್‌ಎಸ್‌ಆರ್ ಲೇಔಟ್‌ನ ಮನೆಯಲ್ಲಿ ಈ ಘಟನೆ ನಡೆದಿದೆ.
ನಿವೃತ್ತ ಡಿಜಿ ಐಜಿಪಿ ಓಂ ಪ್ರಕಾಶ್ ಅವರು ಬೆಂಗಳೂರಿನ ಹೆಚ್‌ಎಸ್‌ಆರ್ ಲೇಔಟ್‌ನಲ್ಲಿ ವಾಸವಾಗಿದ್ದರು. ಇಂದು ಮಧ್ಯಾಹ್ನ 3 – 3.15ರ ಮಧ್ಯೆ ಡಿಜಿ ಐಜಿಪಿ ಓಂ ಪ್ರಕಾಶ್ ಅವರ ಭೀಕರ ಹತ್ಯೆಯಾಗಿದೆ. ಮುಖಕ್ಕೆ ಚಾಕುವಿನಿಂದ ಇರಿದು ಪತ್ನಿ ಪಲ್ಲವಿ ಹತ್ಯೆಗೈದಿದ್ದು, ಎರಡೇ ಏಟಿಗೆ ಓಂ ಪ್ರಕಾಶ್ ಅವರು ಮಿಸುಕಾಡದೆ ಪ್ರಾಣ ಚೆಲ್ಲಿದ್ದಾರೆ. ಓಂ ಪ್ರಕಾಶ್ ಸಾವಿನ ಬಳಿಕ ಪಲ್ಲವಿ ಮುಖ ಮತ್ತು ಕತ್ತಿಗೆ ಮನಸೋ ಇಚ್ಚೆ ಇರಿದಿದ್ದಾರೆ. ಮುಖದ ಮೇಲೆ 22-24 ಬಾರಿ ಇರಿದ ಬಳಿಕ ಪತ್ನಿ ಪಲ್ಲವಿ ಮತ್ತೊಬ್ಬ ನಿವೃತ್ತ DGP ಪತ್ನಿಗೆ ವಿಡಿಯೋ ಕಾಲ್ ಮಾಡಿದ್ದಾರೆ.
ವಿಡಿಯೋ ಕಾಲ್ ಮಾಡಿ I have killed the monster ಎಂದು ಪಲ್ಲವಿ ಇಂಗ್ಲೀಷ್ನಲ್ಲಿ ಹೇಳಿದ್ದಾರೆ. ದಿಗಿಲು ಬಿದ್ದು ಪತಿ ರೂಪ್ಕುಮಾರ್ ಅವರ ಪತ್ನಿ ದತ್ತಾಗೆ ಹೇಳಿದ್ದು, ತಕ್ಷಣವೇ ಕಮಿಷನರ್ ಬಿ ದಯಾನಂದ್ಗೆ IPS ಆರ್ ಕೆ ದತ್ತಾ ಮಾಹಿತಿ ನೀಡಿದ್ದಾರೆ. ಪೊಲೀಸರು ಹೋಗಿ ನೋಡಿದಾಗ ಓಂ ಪ್ರಕಾಶ್ ರಕ್ತದ ಮಡುವಿನಲ್ಲಿ ಬಿದ್ದಿದ್ದರು.
ಆಸ್ತಿ ವಿಚಾರಕ್ಕೆ ಗಂಡ ಓಂ ಪ್ರಕಾಶ್ರನ್ನ ಪತ್ನಿ ಪಲ್ಲವಿ ಕೊಲೆ ಮಾಡಿದ್ದಾರೆ. ದಾಂಡೇಲಿಯಲ್ಲಿದ್ದ ಆಸ್ತಿಯನ್ನ ನಿವೃತ್ತ ಡಿಜಿಐಜಿಪಿ ಓಂ ಪ್ರಕಾಶ್ ತಂಗಿ ಹೆಸರಿಗೆ ಮಾಡಿದ್ದರು. ಈ ಬಗ್ಗೆ ಹಲವು ಬಾರಿ ಗಂಡ ಹೆಂಡತಿ ನಡುವೆ ಗಲಾಟೆ ನಡೆದಿತ್ತು, ಇದೇ ವಿಚಾರಕ್ಕೆ ಪತಿ ನಿವಾಸ ಹೆಚ್ ಎಸ್ ಆರ್ ಲೇಔಟ್ ಬಳಿ ಪತ್ನಿ ಪಲ್ಲವಿ ಧರಣಿ ಕೂಡ ಮಾಡಿದ್ದರು. ಈ ಬಗ್ಗೆ ಪತ್ನಿ ವಿರುದ್ದ ಸಹ ಹೆಚ್ ಎಸ್ ಆರ್ ಲೇಔಟ್ ನಲ್ಲಿ ಪ್ರಕರಣ ದಾಖಲಾಗಿತ್ತು.
ಇದನ್ನೂ ಓದಿ : ನಿವೃತ್ತ DG-IGP ಓಂಪ್ರಕಾಶ್ ಬರ್ಬರ ಹತ್ಯೆ – ಪತ್ನಿಯಿಂದಲೇ ಕೊಲೆಯಾಗಿರೋ ಶಂಕೆ!
