ಚಿಕ್ಕಬಳ್ಳಾಪುರ : ಚಿಕ್ಕಬಳ್ಳಾಪುರದ ರಂಗಸ್ಥಳದ ರಂಗನಾಥಸ್ವಾಮಿ ದೇವಾಲಯದ ರಥೋತ್ಸವದ ವೇಳೆ, ರಥ ನೆಲಕ್ಕೆ ವಾಲಿದೆ. ನೂರಾರು ಭಕ್ತರು ತಕ್ಷಣ ರಥ ಹಿಡಿದು ದೊಡ್ಡ ದುರಂತ ತಪ್ಪಿಸಿದ್ದಾರೆ. ಸೂಕ್ತ ವ್ಯವಸ್ಥೆ ಕಲ್ಪಿಸದ ತಾಲ್ಲೂಕು ಆಡಳಿತದ ವಿರುದ್ಧ ಭಕ್ತರ ಆಕ್ರೋಶ.
ಪ್ರತಿ ವರ್ಷದಂತೆ, ಚಿಕ್ಕಬಳ್ಳಾಪುರದ ರಂಗನಾಥಸ್ವಾಮಿ ದೇವಾಲಯದಲ್ಲಿ ಬ್ರಹ್ಮರಥೋತ್ಸವ ವಿಜೃಂಭಣೆಯಿಂದ ನೆರವೇರುತ್ತಿತ್ತು. ಸಾವಿರಾರು ಭಕ್ತರು ರಥ ಎಳೆಯುವ ಕಾರ್ಯದಲ್ಲಿ ಪಾಲ್ಗೊಂಡಿದ್ದರು. ದೇವಾಲಯದ ಸುತ್ತ ರಥ ಎಳೆಯುತ್ತಿದ್ದಾಗ, ಅದು ದಿಢೀರ್ನೆ ಒಂದು ಬದಿಗೆ ಅಪಾಯಕಾರಿಯಾಗಿ ವಾಲಿತು. ಕೆಲವೇ ಕ್ಷಣಗಳಲ್ಲಿ ರಥ ಸಂಪೂರ್ಣ ಉರುಳುವ ಸಾಧ್ಯತೆ ಇತ್ತು, ಇದು ನೂರಾರು ಭಕ್ತರಿಗೆ ಗಾಯಗಳಾಗುವ ಅಥವಾ ಜೀವಹಾನಿಯಂತಹ ಭಾರೀ ದುರಂತಕ್ಕೆ ಕಾರಣವಾಗುತ್ತಿತ್ತು.
ಸ್ಥಳದಲ್ಲಿದ್ದ ಭಕ್ತರು ಪ್ರಾಣದ ಹಂಗು ತೊರೆದು ರಥವನ್ನು ತಕ್ಷಣ ಹಿಡಿದು ಸ್ಥಿರಗೊಳಿಸಿದರು. ಭಕ್ತರ ಈ ದಿಟ್ಟ ಕ್ರಮದಿಂದಾಗಿ ದುರಂತ ತಪ್ಪಿತು. ಉತ್ಸವದ ವ್ಯವಸ್ಥೆಗಳನ್ನು ಸಮರ್ಪಕವಾಗಿ ನಿರ್ವಹಿಸದ ಸ್ಥಳೀಯ ತಾಲ್ಲೂಕು ಆಡಳಿತ ಮತ್ತು ಸಂಬಂಧಪಟ್ಟ ಇಲಾಖೆಗಳ ವಿರುದ್ಧ ಭಕ್ತರು ತೀವ್ರ ಆಕ್ರೋಶ ಹೊರಹಾಕಿದ್ದಾರೆ.
ಇದನ್ನೂ ಓದಿ : ಸಾರ್ಬೆರಿ ಕಂಪನಿ ಸಿಇಒ ವಿರುದ್ಧ ಎಫ್ಐಆರ್ ದಾಖಲು!
