ಬೆಂಗಳೂರು : ಟ್ರಾಫಿಕ್ ಪೊಲೀಸರಿಗೇ ಚಳ್ಳೆಹಣ್ಣು ತಿನ್ನಿಸೋ ಹೊರಟ ಗಿರಾಕಿಗೆ ಇದೀಗ ಪೊಲೀಸರು ಗಿರಗಿಟ್ಲೆ ಆಡಿಸೋಕೆ ರೆಡಿಯಾಗಿದ್ದಾರೆ. ಹೌದು.. ಟ್ರಾಫಿಕ್ ಫೈನ್ ತಪ್ಪಿಸಿಕೊಳ್ಳೋಕೆ ಬೈಕ್ ಸವಾರನೋರ್ವ ಮಾಸ್ಟರ್ ಪ್ಲ್ಯಾನ್ ಮಾಡಿದ್ದು, ನಂಬರ್ ಪ್ಲೇಟ್ ಮೇಲೆ ಅಲ್ಲಲ್ಲಿ ಸ್ಟಿಕ್ಕರ್ ಅಂಟಿಸಿ ಬೆಂಗಳೂರು ಸಿಟಿಯಲ್ಲಿ ಓಡಾಡ್ತಿದ್ದ. ಯಾವ್ದೇ ಸಿಗ್ನಲ್ ಇರ್ಲಿ ವಾಹನದ ಎರಡೋ-ಮೂರೋ ನಂಬರ್ ಮಾತ್ರ ಕಾಣಿಸ್ತಿತ್ತು. ಸಿಸಿಟಿವಿ ನೋಡಿದ ಪೊಲೀಸರಿಗೇ ಯಾರ್ದಪ್ಪಾ ಈ ಬೈಕು ಅನ್ನೋ ಟೆನ್ಷನ್ ಕೂಡ ಶುರುವಾಗಿತ್ತು.
ಕೋಡ್-ಡಿಕೋಡ್ ಮಾಡಿದ್ರೂ ಕೂಡ ಸ್ಟಿಕ್ಕರ್ ಅಂಟಿಸಿರೋ ನಂಬರ್ ಪೊಲೀಸ್ರಿಗೆ ತಿಳೀತಿರ್ಲಿಲ್ಲ. ಒನ್ ಫೈನ್ ಡೇ ಸ್ಟಿಕ್ಕರ್ ಅಂಟಿಸಿದ ಆ ಬೈಕು ಕೆ.ಆರ್ ಮಾರ್ಕೆಟ್ನಲ್ಲಿ ಕಾಣಿಸಿಕೊಂಡಿದೆ. ಟ್ರಾಫಿಕ್ ಪೊಲೀಸಪ್ಪನ ಕಣ್ಣಿಗೆ ಈ ಬೈಕ್ ಕಾಣಿಸಿದ್ದು, ಬೈಕ್ನ ಹಿಂದೆ ನೋಡಿದ್ರೆ ಸ್ಟಿಕ್ಕರ್, ಮುಂದೆ ನೋಡಿದ್ರೂ ಸ್ಟಿಕ್ಕರ್ ಅಂಟಿಸಲಾಗಿತ್ತು.
ತಲೆ ಕೆರೆದುಕೊಂಡ ಪೊಲೀಸಪ್ಪ, ತಕ್ಷಣ ಫೋಟೋ-ವೀಡಿಯೋ ಮಾಡಿಕೊಂಡಿದ್ದಾನೆ. ನಂತರ ಬೈಕ್ ಸವಾರನ ಮೇಲೆ FIR ಕೂಡ ಲಾಡ್ಜ್ ಮಾಡಿದ್ದಾನೆ. ಸದ್ಯ ಕೆ.ಆರ್ ಮಾರ್ಕೆಟ್ ಸಂಚಾರ ಠಾಣೆಯಲ್ಲಿ FIR ದಾಖಲಾಗಿದೆ. ಬೈಕ್ನ ಮಾಲೀಕನ ಹುಡುಕಾಟದಲ್ಲಿ ಇದೀಗ ಪೊಲೀಸರು ಬ್ಯುಸಿಯಾಗಿದ್ದು, ಸ್ಟಿಕ್ಕರ್ ಇಟ್ಟು ಪೊಲೀಸರಿಗೆ ಟಕ್ಕರ್ ಕೊಡೋಕೆ ಹೋದೋನು ಇದೀಗ ಮಕ್ಕರ್ ಆಗವ್ನೆ.
ಇದನ್ನೂ ಓದಿ : ವಿಜಯಪುರ SBI ಬ್ಯಾಂಕ್ನಲ್ಲಿ ಭಾರೀ ದರೋಡೆ.. ಸಿಬ್ಬಂದಿಗಳನ್ನು ಕಟ್ಟಿಹಾಕಿ 8 ಕೋಟಿ ಹಣ, ಚಿನ್ನಾಭರಣ ದೋಚಿದ ದುಷ್ಕರ್ಮಿಗಳು!
