ಬೆಂಗಳೂರು : ಜಯನಗರದ ಬಿಲ್ಡರ್ ಮನೋಜ್ ಎಂಬವರನ್ನು ಕಿಡ್ನಾಪ್ ಮಾಡಿದ್ದ ಗ್ಯಾಂಗ್ ಒಂದನ್ನು ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ. ಕಿಡ್ನಾಪ್ ಮಾಡಿದ ಗ್ಯಾಂಗ್ನಲ್ಲಿ ಇದ್ದ ಎಲ್ಲರೂ ಕೂಡ ರೌಡಿಶೀಟರ್ಗಳಾಗಿದ್ದು, ಬಂಧಿತರಿಂದ ಕಾರು, ಮಚ್ಚು, ಲಾಂಗ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ರಾಜೇಶ್ @ಅಪ್ಪಿ ಸೀನ @ಬಾಂಬೆ ಸೀನ, ಲೋಕೇಶ, ನವೀನ, ಸೋಮಯ್ಯ, ಯುಕೇಶ ಬಂಧಿತ ರೌಡಿಶೀಟರ್ಗಳು.
ಜಯನಗರದ ಬಿಲ್ಡರ್ ಮನೋಜ್ ಅವರನ್ನು ಕಳೆದ ವಾರ ಮಹಾಲಕ್ಷ್ಮಿ ಲೇಔಟ್ ಠಾಣಾ ವ್ಯಾಪ್ತಿಯಿಂದ ಕಿಡ್ನಾಪ್ ಮಾಡಲಾಗಿತ್ತು. ಕಾರಿನಲ್ಲಿ ಕರೆದೊಯ್ದು ಯಲಹಂಕದ ಮನೆಯೊಂದರಲ್ಲಿ ಕೂಡಿಹಾಕಿ 25 ಲಕ್ಷ ರೂಪಾಯಿ ನೀಡುವಂತೆ ಅಪ್ಪಿ ಸೀನನ ಗ್ಯಾಂಗ್ ಡಿಮ್ಯಾಂಡ್ ಇಟ್ಟು ಬೆದರಿಕೆ ಹಾಕಿತ್ತು.
ಮನೋಜ್ ಈ ಹಿಂದೆ ಸಿನಿಮಾ ನಿರ್ದೇಶಕ ನಂದಕಿಶೋರ್ಗೆ 1.5 ಲಕ್ಷ ರೂ. ಹಣ ಸಾಲ ನೀಡಿದ್ದ. ಮನೋಜ್ನ ಸ್ನೇಹಿತ ಚಂದ್ರು ಮೀಡಿಯೇಟರ್ ಆಗಿ ಹಣವನ್ನು ಕೊಡಿಸಿದ್ದ. ಆ ಬಳಿಕ ನಂದಕಿಶೋರ್ ಹಣ ವಾಪಸ್ಸು ನೀಡದೇ ಕೂತಿದ್ದರು. ಈ ವೇಳೆ ರಾಜೇಶ್ @ಅಪ್ಪಿ ಚಂದ್ರುಗೆ ಕಾಲ್ ಮಾಡಿದ್ದ.
ಇನ್ನು ನಂದಕಿಶೋರ್ ಹಣ ಕೊಡ್ತಾರೆ ಮನೋಜ್ಗೆ ಮಹಾಲಕ್ಷ್ಮಿ ಲೇಔಟ್ಗೆ ಹೋಗುವಂತೆ ಅಪ್ಪಿ ತಿಳಿಸಿದ್ದ. ಅದರಂತೆ ಮನೋಜ್ ತನ್ನ ಕಾರಿನಲ್ಲಿ ಮಹಾಲಕ್ಷ್ಮಿ ಲೇಔಟ್ಗೆ ತೆರಳಿದ್ದ. ಈ ವೇಳೆ ಅಪ್ಪಿ ತನ್ನ ಗ್ಯಾಂಗ್ನೊಂದಿಗೆ ಮನೋಜ್ನನ್ನ ಕಿಡ್ನಾಪ್ ಮಾಡಿ ಹೊತ್ತೊಯ್ದಿದ್ದ. ನಂತರ ಮನೋಜ್ನನ್ನ ಕೂಡಿ ಹಾಕಿ 2.5 ಲಕ್ಷ ರೂಪಾಯಿ ಸುಲಿಗೆ ಮಾಡಿತ್ತು.
ಯಾರ ಬಳಿಯಾದ್ರೂ ಹೇಳಿದ್ರೆ ಕೊಲೆ ಮಾಡೋದಾಗಿ ಮನೋಜ್ಗೆ ಬೆದರಿಕೆ ಕೂಡ ಹಾಕಲಾಗಿತ್ತು. ಇದ್ರಿಂದ ಹೆದರಿದ ಮನೋಜ್ CCB ಪೊಲೀಸರಿಗೆ ದೂರು ನೀಡಿದ್ದರು. ದೂರಿನನ್ವಯ ಪ್ರಕರಣ ದಾಖಲಿಸಿಕೊಂಡ CCB ಪೊಲೀಸರು, ಇದೀಗ ಆರೋಪಿಗಳನ್ನು ಬಂಧಿಸುವಲ್ಲಿ ಯಶ್ವಸಿಯಾಗಿದ್ದಾರೆ.
ಇದನ್ನೂ ಓದಿ : ‘ಧರ್ಮಸ್ಥಳ ಚಲೋ’ ಕಾರ್ಯಕ್ರಮಕ್ಕೂ ಮುನ್ನ ‘ಕೇಸರಿ’ ಸಂಗಮ – ಶ್ರೀ ಮಂಜುನಾಥ ಸ್ವಾಮಿಯ ದರ್ಶನ ಪಡೆದ ಬಿಜೆಪಿ ಟೀಂ!
