ಬೆಂಗಳೂರು : ಸಿಲಿಕಾನ್ ಸಿಟಿ ಬೆಂಗಳೂರಿನ ಅಪಾರ್ಟ್ಮೆಂಟ್ವೊಂದರಲ್ಲಿ ಅಸ್ಥಿಪಂಜರದ ಪೀಸ್ಗಳು ಪತ್ತೆಯಾಗಿದೆ. ಹೌದು.. ಬೇಗೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿರುವ ಅಪಾರ್ಟ್ಮೆಂಟ್ನ ಇಂಗುಗುಂಡಿಯಲ್ಲಿ ಅಸ್ಥಿಪಂಜರದ ನಾಲ್ಕೈದು ಪೀಸ್ಗಳು ಪತ್ತೆಯಾಗಿದ್ದು, ಸದ್ಯ ಸ್ಥಳೀಯರು ಈ ಘಟನೆಯಿಂದ ಬೆಚ್ಚಿಬಿದ್ದಿದ್ದಾರೆ.
2 ದಿನದ ಹಿಂದೆ ಖಾಸಗಿ ಅಪಾರ್ಟ್ಮೆಂಟ್ ಇಂಗುಗುಂಡಿ ಸ್ಚಚ್ಛ ಮಾಡುವಾಗ ಅಸ್ಥಿಪಂಜರ ಪತ್ತೆಯಾಗಿದ್ದು, ಸದ್ಯ ಪೊಲೀಸರು ಅಸ್ಥಿಪಂಜರದ ಪೀಸ್ಗಳನ್ನು ವಶಕ್ಕೆ ಪಡೆದಿದ್ದಾರೆ. ಪತ್ತೆಯಾದ ಅಸ್ಥಿಪಂಜರ ಪೀಸ್ಗಳನ್ನು FSLಗೆ ರವಾನೆ ಮಾಡಲಾಗಿದ್ದು, ಅಸ್ಥಿಪಂಜರ ಮನುಷ್ಯರದ್ದಾ? ಪ್ರಾಣಿಯದ್ದ ಎಂದು ಪರಿಶೀಲನೆ ನಡೆಸಲಾಗುತ್ತಿದೆ. ಘಟನಾ ಸಂಬಂಧ ಬೇಗೂರು ಪೊಲೀಸರು ಯುಡಿಆರ್ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.
ಬೇಗೂರು ಪ್ರದೇಶದ ನಿವಾಸಿಗಳನ್ನು ಭಯದ ವಾತಾವರಣ : ಈ ಘಟನೆಯಿಂದಾಗಿ ಬೇಗೂರು ಪ್ರದೇಶದ ನಿವಾಸಿಗಳಲ್ಲಿ ಭಯದ ವಾತಾವರಣ ಸೃಷ್ಟಿಯಾಗಿದೆ. “ಅಪಾರ್ಟ್ಮೆಂಟ್ನ ಸಂಪ್‌ನಲ್ಲಿ ಅಸ್ತಿಪಂಜರ ಸಿಕ್ಕಿದ್ದು ಆಘಾತಕಾರಿಯಾಗಿದೆ. ಇದು ಯಾರದ್ದು, ಯಾವಾಗಿನಿಂದ ಇದೆ ಎಂಬುದು ಗೊತ್ತಿಲ್ಲ. ಪೊಲೀಸರು ಶೀಘ್ರವೇ ಸತ್ಯವನ್ನು ಬಯಲಿಗೆಳೆಯಲಿ,” ಎಂದು ಸ್ಥಳೀಯ ನಿವಾಸಿಯೊಬ್ಬರು ಆತಂಕ ವ್ಯಕ್ತಪಡಿಸಿದ್ದಾರೆ
ಇದನ್ನೂ ಓದಿ : ‘ಆಪರೇಷನ್ ಸಿಂಧು’ ಯಶಸ್ವಿ ಕಾರ್ಯಾಚರಣೆ – ಸಂಘರ್ಷ ಪೀಡಿತ ಇರಾನ್‌ನಿಂದ ಭಾರತಕ್ಕೆ ಮರಳಿದ 110 ವಿದ್ಯಾರ್ಥಿಗಳು!
