ಬಿಗ್ ಬಾಸ್ ಸೀಸನ್ 11 ಆರಂಭವಾಗಿದೆ. 2017ರಲ್ಲಿ ತೆರೆಕಂಡ ಮಹಾನುಭಾವರು ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟಿದ್ದ ಅನುಷಾ ರೈ ಈ ಬಾರಿ ಬಿಗ್ ಬಾಸ್ನಲ್ಲಿ ಸ್ಪರ್ಧಿಸುತ್ತಿದ್ದಾರೆ. ದೊಡ್ಮನೆಯಲ್ಲಿ ಅನುಷಾ ರೈ ಟಾಸ್ಕ್ವೊಂದರಲ್ಲಿ ಗೆದ್ದಿದ್ದಾರೆ. ಆದರೆ ಬಿಗ್ ಬಾಸ್ ಮನೆಯ ಸ್ಪರ್ಧಿ ಅನುಷಾ ರೈಯವರ ಒಂದು ನಡೆಗೆ ಕಿಚ್ಚ ಸುದೀಪ್ ಮೊದಲ ವಾರವೇ ಕ್ಲಾಸ್ ತೆಗೆದುಕೊಳ್ಳುವಂತೆ ಇದೆ.
ಹೌದು.. ಮನೆಯವರು ಮೊಸರನ್ನ ಮಾಡಿದ್ದರು, ಎಲ್ಲರೂ ತಿಂದು ಖುಷಿಪಟ್ಟಿದ್ದಾರೆ. ಆದರೆ, ಅನುಷಾ ರೈ ಒಂದು ತುತ್ತು ತಿಂದು ನೇರವಾಗಿ ಅದನ್ನ ಕಸದ ಬುಟ್ಟಿಗೆ ಹಾಕಿದ್ದಾರೆ. ಈ ಒಂದು ನಡೆ ಕ್ಯಾಮರಾದಲ್ಲೂ ಕ್ಯಾಪ್ಚರ್ ಆಗಿದ್ದು, ದೊಡ್ಮನೆ ಕ್ಯಾಮರಾ ಇದನ್ನ ಝೂಮ್ ಮಾಡಿಯೇ ತೋರಿಸಿದೆ. ಹಾಗಾಗಿ ಮೊದಲ ವಾರವೇ ಕಿಚ್ಚ ಸುದೀಪ್ ಅನುಷಾ ರೈಗೆ ಕ್ಲಾಸ್ ತೆಗೆದುಕೊಳ್ಳುವ ಸಾಧ್ಯತೆಯಿದೆ.
ನೋಡಿದ ಅನೇಕರು ಏನಿದು ಅಂತ ಉದ್ಗಾರ ತೆಗೆದಿರೋದು ಇದೆ. ಆದರೆ, ಈ ವಿಷಯ ಮನೆಯಲ್ಲಿ ಹೆಚ್ಚು ಚರ್ಚೆ ಆಗಿದಿಯೋ ಇಲ್ವೋ ಗೊತ್ತಿಲ್ಲ. ಈ ಬಗ್ಗೆ ಯಾರೂ ಏನೂ ಮಾತನಾಡಿಲ್ಲ. ಆದರೆ, ಕಿಚ್ಚ ಸುದೀಪ್ ಮುಂದೆ ಈ ವಿಚಾರ ಬರಬಹುದು.
ಮೋಕ್ಷಿತಾ ಪೈ ಮತ್ತು ಅನುಷಾ ರೈ ಈ ಒಂದು ಟಾಸ್ಕ್ ಆಡಿದ್ದರು. ಮಂಜಿನ ಗಡ್ಡೆ ಇರೋ ನೀರಿನ ಡಬ್ ಇಲ್ಲಿತ್ತು. ಇದರಲ್ಲಿರೋ ಕೋಲಿಗೆ ಹಗ್ಗವನ್ನ ಸುತ್ತಲಾಗಿತ್ತು. ಇದನ್ನ ಜಾಣ್ಮೆಯಿಂದ ತೆಗೆದು ಹೊರಗೆ ಬರೋ ಟಾಸ್ಕ್ ಇದಾಗಿತ್ತು. ಈ ಒಂದು ಟಾಸ್ಕ್‌ನಲ್ಲಿ ಅನುಷಾ ರೈ ಗೆದ್ದಿದ್ದಾರೆ.
ಇದನ್ನೂ ಓದಿ : ಸಿಎಂ ಪತ್ನಿ ಸೈಟ್ ವಾಪಸ್ ಕೊಟ್ಟಿದ್ದರಲ್ಲಿ ತಪ್ಪಿಲ್ಲ – ಸಚಿವ ಸಂತೋಷ್ ಲಾಡ್..!
